मुकेश चौधरी कार्यकारी संपादक
महाराष्ट्र संदेश न्युज ! ऑनलाईन वर्धा दि.22:- 46-हिंगणघाट विधानसभा मतदार संघातून विधानसभेसाठी होणाऱ्या निवडणूकीच्या प्रक्रियाकरीता निवडणूक निर्णय अधिकारी तथा उपविभागीय अधिकारी कार्यालय हिंगणघाट येथे निवडणूक आयोगाव्दारे नियुक्त केलेले निवडणूक खर्च निरीक्षक ग्यानेंद्रकुमार त्रिपाठी यांनी भेट देवून खर्च संबंधीत विविध पथकांनी केलेल्या कार्यवाहीचा आढावा घेतला. यावेळी निवडणूक निर्णय अधिकारी तथा उपविभागीय अधिकारी हिंगणघाट वंदना संवरंगपते, हिंगणघाटचे तहसिदार योगेश शिंदे, समुद्रपुरचे तहसिदार कपील हाटकर व निवडणूक संबंधोत इतर नोडल अधिकारी उपस्थित होते.
यावेळी निवडणूक खर्च निरिक्षक कार्यालयात कार्यरत खर्च बाबत स्थापन करण्यात आलेल्या खर्च नोंदणी पथक तसेच आचारसंहिता कक्षास भेट देवून नोडल अधिकारी यांना मार्गदर्शन केले. भेटी दरम्यान 46-हिंगणघाट मतदार संघ अंर्तगत निवडणूक खर्च बाबत FST पथकांना मार्गदर्शन करुन आरंभा येथील SST पथकास प्रत्यक्ष भेट दिली व उपस्थित सर्व अधिकारी / कर्मचारी यांना मार्गदर्शन केले तसेच आचारसंहितेच्या बाबत निवडणूक आयोगामार्फत प्राप्त मार्गदर्शक सुचनांची काटेकोरपणे अंमलबजावणी करण्यात यावी, अशा सूचना ग्यानेंद्रकुमार त्रिपाठी यांनी भेटी दरम्यान दिल्या.
