श्याम भूतडा, बीड जिल्हा प्रतिनिधी
महाराष्ट्र संदेश न्युज ! ऑनलाईन बीड:- राज्यात आज सर्वत्र विधानसभा निवडणुकीसाठी मतदान शांततेत पार पडले, पण बीड विधानसभा मतदार संघातून एक मन हेलावणारी घटना समोर आली आहे. येथे विधानसभा निवडणुकीत उभे असलेल्या उमेदवाराचा मतदान केंद्रावरच हृदयविकाराच्या धक्क्याने मृत्यू झाल्याने खळबळ माजली आहे. बाळासाहेब शिंदे असे मयत उमेदवाराचे नाव असून ते अपक्ष निवडणूक लढवत होते.
बाळासाहेब शिंदे हे बीड शहरातील छत्रपती शाहू विद्यालयात असणाऱ्या मतदान केंद्रावर थांबले होते. यादरम्यान त्यांना चक्कर आली अन् खाली पडले. त्यानंतर त्यांना बीड शहरातील काकू नाना हॉस्पिटलमध्ये दाखल करण्यात आलं.. तिथून त्यांना छत्रपती संभाजी नगर येथील रुग्णालयात देखील दाखल केलं. मात्र डॉक्टरांनी त्यांना मयत घोषित केलंय. दरम्यान या दुर्दैवी घटनेने बीड शहरासह जिल्ह्यामध्ये हळहळ व्यक्त केली जात आहे.
विधानसभेच्या २८८ जागांसाठी राज्यभरात मतदान सुरु असताना ही दुर्देवी घटना बीड जिल्ह्यात घडली आहे. बीड मतदारसंघातील अपक्ष उमेदवाराचा मतदान केंद्रावरच मृत्यू झाला. या दुर्देवी घटनेमुळे बीड जिल्ह्यात हळहळ व्यक्त करण्यात येत आहे. मतदान केंद्रावर असताना बाळासाहेब शिंदे यांना छातीत दुखू लागले अन् चक्कर आली, त्यामुळे ते जमीनीवर कोसळले. तात्काळ त्यांना जवळच्या रुग्णालयात दाखल कऱण्यात आले. पण त्यांना डॉक्टरांनी मृत घोषित केले.
मतदान केंद्रात उमेदवाराच्या मृत्युने हळहळ मतदानावेळीच उमेदवाराचा मृत्यू झाल्यामुळे राज्यात हळहळ व्यक्त करण्यात येत आहे. बीडमधील बाळासाहेब शिंदे यांचा दुपारी हृदयविकाराच्या तीव्र झटक्याने मतदान केंद्रावरच मृत्यू झाला. बीड मतदारसंघात हळहळ व्यक्त करण्यात येत आहे. शिंदे कुटुंबावर दु:खाचा डोंगर कोसळला.