उमेश इंगळे अकोला जिल्हा प्रतिनिधी
महाराष्ट्र संदेश न्युज ! ऑनलाईन अकोला:- जिल्ह्यातील बाळापूर येथून एक खळबळजनक घटना समोर आली आहे. येथे एका महिला पोलिसानं आपल्या पतीचं मोबाईल फोन मधील व्हॉट्सॲप बघितल पण ते बघताच तिच्या पायाखालची जमीन सरकली तिला मोबाईल मध्ये नको तेच दिसून आलं आहे. या घटनेनंतर महिलेनं थेट पोलीस स्टेशन गाठत आपल्या नवऱ्यासह 5 जणांविरोधात पोलिसात गुन्हा दाखल केला आहे. या घटनेमुळे महिला पोलिसाला चांगलाच मानसिक धक्का बसला आहे. महिलेच्या तक्रारीवरून पोलिसांनी गुन्हा दाखल केला असून पुढील तपास केला जात आहे.
नेमकी काय आहे ही घटना?: बाळापूर येथील रहिवासी असणाऱ्या एका महिला पोलिसानं नुकतंच बाळापूर पोलीस स्टेशन मध्ये तक्रार दाखल केली आहे. आपला पती समलिंगी आहे, त्याने आपल्यापासून ही बाब लपवली. तसेच सासरच्या मंडळींकडून आपल्याला जाच केला जात आहे, अशी तक्रार महिला पोलिसानं केली आहे. या प्रकरणी पोलिसांनी सासरच्या पाच जणांविरोधात गुन्हा दाखल केला आहे.
पीडित महिला पोलिसाचा अडीच वर्षांपासून बार्शी टाकळी तालुक्यातील एका गावातल्या युवका तरुण बरोबर लग्न झालं होतं. लग्नाला काही दिवस उलटले नाहीत, तोपर्यंत आरोपींनी महिलेला त्रास द्यायला सुरुवात केली. सासरच्यांनी घर दुरुस्तीसाठी 1 लाख आणि शेतीवरील कर्ज फेडण्यासाठी 2 लाख रुपये घेतले, ते इतक्यावरच थांबले नसून अजून 5 लाख रुपयाची मागणी करत असल्याचं महिलेनं तक्रारीत म्हटलं आहे. एवढंच नव्हे तर आपला पती समलिंगी असल्याचा दावाही तिने केला.
खरं तर, लग्नानंतर सासरी जाच होत असल्याने पीडित महिला आपल्या पतीसह अकोला शहरातील पोलीस वसाहतीत वास्तव्याला होता. घटनेच्या दिवशी तिच्या पतीने मोबाइल चार्जिंगला लावला होता. यावेळी महिलेनं आपल्या पतीचा मोबाईल चेक केला. व्हॉट्सॲपवरील पतीचे मेसेज बघून तिच्या पायाखालची जमीनच सरकली. त्याचे त्याच्या मित्रांसोबत आक्षेपार्ह संभाषण आढळून आले. याबाबत महिलेनं जाब विचारला असता आपण समलिंगी असल्याचा आणि इतर पुरुषांसोबत संबंध असल्याचं पतीनं कबुल केलं. ही बाब समजल्यानंतर महिलेनं बाळापूर पोलीस स्टेशन गाठत तक्रार दाखल केली आहे. पतीनं केवळ पैशांसाठी आपल्याशी लग्न केलं, याची कबुली स्वत: पतीनं दिल्याचंही महिलेनं तक्रारीत सांगितलं आहे. याप्रकरणी पोलिसांनी पतीसह सासरच्या पाच जणांविरोधात गुन्हा दाखल केला असून पुढील तपास सुरू केला आहे.
