हिंगणघाट – नंदोरी रस्त्याच्या बांधकामात झालेल्या भ्रष्टाचाराची चौकशी करा – राष्ट्रवादी काँगेस पार्टी – शरदचंद्र पवार प्रदेश सरचिटणीस अतुल वांदिले यांच्या नेतृत्वात शिष्ठमंडळाने दिले निवेदन.
मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- राष्ट्रिय महामार्ग ३२२ हिंगणघाट ते नंदोरी हायवेवर आठ दिवसात बांधलेल्या रस्त्याला भेगा पडल्यामुळे बांधकामात झालेल्या भ्रष्टाचाराची चौकशी करण्याकरिता राष्ट्रवादीचे प्रदेश सरचिटणीस अतुल वांदिले यांच्या नेतृत्वात शिष्ठमंडळाने सार्वजनिक बांधकाम अधिकारी यांना दिले निवेदन.
राष्ट्रीय महामार्ग ३२२ हिंगणघाट – नंदोरी हायवेचे काम मागील सहा महिन्यापासून सुरु आहे. या हायवेच्या बाधकाम नुकतेच सुरु असून बांधकाम झालेल्या हायवेला अनेक ठिकाणी भेगा पडल्या आहे. त्यामुळे अपघाताचे प्रमाण या हायवेवरती वाढले आहे. या हायवेवरती किरकोळ अपघात हे रोजच होत असतात १५ दिवस आधी याच रोड वरती अशोक बोरकर यांचा अपघात होवून मृत्यू देखील झाला आहे. होऊन परिसरात राहणाऱ्या नागरिकांना या रोडच्या मोठ्या प्रमाणात त्रास होत आहे. लहान मुलांना शाळेत पाठवताना पालकांना विचार पडला आहे. कि माझा मुलगा शाळेत गेल्यावर परत येईल कि नाही. या रोडचा नुकत्याच झालेल्या कामाला अनेक ठिकाणी भेगा पडल्या आहे. त्यामुळे या रोडच्या कामांत मोठ्या प्रमाणात भ्रष्टाचार झाला आहे. त्यामुळे या महामार्गाचे कंत्राटदारावर कारवाई करण्यात यावी.
नंदोरी रोडच्या आजूबाजूला अनेक वर्षापासून झाडे लावण्यात आली होती. त्याचे संगोपन देखील वृक्ष मित्र घेत होते. रोडच्या कामामुळे त्या झाडाची तोडली आहे. त्यामुळे झाडे तोडण्यारयावर कारवाई करण्यात यावी. तसेच शहरातील मोठा दळणवळीचा मार्ग फिदा हुसेन पेट्रोल पंप ते विठोबा चौक पर्यंत रोडचे नुकतेच एक वर्षा आधी बांधकाम झाले असून यारस्त्याला अनेक ठिकाणी भेगा पडल्या आहे. यामुळे या रोडवरती अपघाताचे प्रमाण वाढले आहे. तसेच रोडच्या मधोमध गट्टू लावण्यात आले आहे. ते गट्टू देखील निघत आहे. या सर्व कामाची चौकशी करून कारवाई करावी.अशी मागणी राष्ट्रवादी काँग्रेस पक्षाचे प्रदेश सरचिटणीस अतुल वांदिले यांच्या नेतृत्वात शिष्ठ मंडळाने सार्वजनिक बांधकाम विभाग अधिकारी यांना निवेदन दिले आहे.
यावेळी निवेदन देताना राष्ट्रवादी काँग्रेस शरदचंद्र पवार पक्षांचे शहाराध्यक्ष बालू वानखेडे, समाजसेवक सुनिल डोंगरे, विधानसभा बूथ अध्यक्ष अमोल बोरकर, सुनील भुते, पंकज भट्ट, आकाश हुरर्ले, निखिल ठाकरे आदी उपस्थित होते.
