पंकेश जाधव. पुणे जिल्हा प्रतिनिधी
पिंपरी चिंचवड शहरातील सर्व सुजान नागरिकांना पिंपरी चिंचवड पोलीस प्रशासनाचे वतीने सुचीत करण्यात येते की, मागील काही दिवसांपासून महाराष्ट्रातील वेगवेगळया ठिकाणी लहान मुले पळविणारी टोळी सक्रीय झालेबाबत फेसबुक व्हाट्सअप, ऑडीओ / व्हिडीओ क्लिप, फोटो व्हायरल होत आहेत. त्यामुळे जनमाणसांत विशेषतः पालकांमध्ये भितीचे व चिंतेचे वातावरण पसरत आहे.
पिंपरी चिंचवड पोलीस आयुक्तालय हद्दीमध्ये कुठेही लहान मुले पळविनारी टोळी सक्रिय नसून पालकांनी अशा प्रकारच्या अफवांवरती विश्वास ठेवू नये. असा अनुचित प्रकार आपल्या निदर्शनास आल्यास तात्काळ पोलीस नियंत्रण कक्ष किंवा जवळील पोलीस ठाण्यास संपर्क साधून घटनेबाबत शहानिशा करून घ्यावी असे आवाहन पिंपरी चिंचवड पोलीस प्रशासनाच्या वतीने करण्यात येत आहे.
तसेच अशा प्रकारची माहिती अथवा संदेश मिळाल्यास नागरिकांनी पुर्ण खात्री केल्याशिवाय ते इतरत्र सोशल मीडीयाव्दारे प्रसारीत करू नये. अशा प्रकारच्या खोट्या माहितीव्दारे समाजामध्ये अफवा पसरविणारे नागरिकांविरुद्ध योग्य ती कायदेशीर कारवाई करण्यात येईल याची नोंद घ्यावी.
