मधुकर गोंगले, गडचिरोली जिल्हा प्रतिनिधी. मो. नं. 9420751809.
मुख्यमंत्री माझी शाळा सुंदर शाळा टप्पा – 2 अंतर्गत जिल्हा परिषद उच्च प्राथमिक शाळा रंगय्यापल्लीने तालुकास्तरावर तिसरा क्रमांक मिळवत आपले नाव उज्ज्वल केले आहे. शाळेच्या या यशामागे मुख्याध्यापक मारबोईना सर, धानोरकर सर, वेलादी सर, सद्दी सर, वरगंटीवार मॅडम यांचे अथक प्रयत्न केलेले असून, केंद्रप्रमुख खान सर यांच्या प्रभावी मार्गदर्शनाने शाळेला हे गौरव प्राप्त होऊ शकला आहे.
शाळेच्या शिक्षकांनी एकत्रितपणे मेहनत घेत विद्यार्थ्यांसाठी एक सुंदर, प्रेरणादायी आणि सकारात्मक शैक्षणिक वातावरण निर्माण केले आहे. स्वच्छता, आकर्षकता, आणि आधुनिकता याला विशेष महत्त्व दिले गेले आहे.
तालुक्यात तिसऱ्या क्रमांकाचे स्थान मिळाल्यामुळे शाळेच्या सर्व विद्यार्थ्यांमध्ये आणि ग्रामस्थांमध्ये आनंदाचे वातावरण निर्माण झाले आहे. शाळेच्या या यशामुळे इतर शाळांसाठीही प्रेरणा निर्माण झाली आहे.
रंगय्यापल्ली शाळेचा हा प्रेरणादायी प्रवास निश्चितच आदर्श ठरेल!
