राहुल मसुरे, जिवती तालुका प्रतिनिधी
महाराष्ट्र संदेश न्युज ! ऑनलाईन कोची:- चिंतामणी महाविद्यालय घुग्घूस येथील राष्ट्रीय सेवा योजना विभागाच्या वतीने सात दिवसीय विशेष श्रमसंस्कार शिबिराचे कोची येते आयोजन करण्यात आले होते. यामध्ये ह.भ.प. डॉ. पांडुरंग महाराज सावंत यांचे समाज उन्नतीसाठी संतांचे विचार या विषयावर कीर्तन नुकतेच संपन्न झाले. या कीर्तनातून डॉ.सावंत महाराजांनी समाजात असलेल्या वाईट रुढी, परंपरा व समाजात दिवसेंदिवस वाढत चाललेली व्यसनाधीनता या विषयावर आपल्या कीर्तनातून संत ज्ञानेश्वर, संत नामदेव, संत तुकाराम, संत गाडगेबाबा, राष्ट्रसंत तुकडोजी महाराज यांच्या विविध दृष्टांतांचा दाखला देत प्रबोधनात्मक विचार मांडलेत.
याप्रसंगी कोची ग्रामवासीयांनी कीर्तनास भरभरून प्रतिसाद देत आनंद व्यक्त केला. तसेच या कीर्तनातून तरुणांनी व स्वयंसेवकांनी बोध घेण्याचे सांगितले. कीर्तन उत्तमरीत्या पार पाडण्यासाठी कार्यक्रम अधिकारी प्रा. मंगेश जमदाडे, डॉ. माधव कांडणगिरे व रासेयो स्वयंसेवकांनी उत्तम प्रयत्न केले.
