अनिल अडकिने नागपूर जिल्हा प्रतिनिधी
महाराष्ट्र संदेश न्युज ! ऑनलाईन सावनेर:- श्री संत गजानन महाराज देवस्थान सेवा ट्रस्टच्या वतीने सारस्वत धाम न्यू बोरुजवाडा येथे महाराजांच्या मंदिरात दोन दिवसीय महोत्सव सोहळ्याचे आयोजन १९ व २० फेब्रुवारीला हजारो भक्तांच्या उपस्थितीत उत्साहात पार पडला.
१९ तारखेला सकाळी ७ ते ९ वा. पर्यंत सामूहिक पारायणाचा कार्यक्रम आटोपला.सकाळी ११ ते रात्री १२ वा.पर्यंत नियोजित भजन मंडळीचा भजनाचा कार्यक्रम चालला.
२० तारखेला पहाटे ४ ते ६ वा.पर्यंत महाराजांचा अभिषेक, महाराजांची आरती ८.३० वा.श्री.संत गजानन महाराज यांची पालखी मिरवणूक ढोलताश्याच्या गजरात, भजन, दिंडी, पताका, गुलाल उधळीत मंदिरातून निघून बोरुजवाडा येथील हनुमान मंदिर वस्तीत भ्रमण करून ती दुपारी १२ वा.पोहोचली. दुपारी १ ते ४ वा.पर्यंत राष्ट्रीय कीर्तनकार डॉ.सचिन महाराज काळे यांचा काल्याच्या कीर्तनाचा कार्यक्रम पार पडला. काल्याच्या कीर्तनानंतर लगेच महाप्रसादाला सुरुवात करण्यात आली. भक्तांनी महाप्रसादाचा आस्वाद घेतला व कार्यक्रमाची सांगता झाली.
दोन दिवसीय सोहळ्याच्या यशस्वीतेकरिता
श्री. संत गजानन महाराज ट्रस्टच्या वतीने राजूभाऊ कांबे अध्यक्ष, विजय ढवळे, प्रवीण रणदिवे, दामोदर मदने,दादाराव मांडवगडे, मनोज निंबाळकर, अँड.भोजराज सोनकुसरे, विजय गायकवाड, ग्रामपंचायत सरपंच प्रवीण झाडे व समस्त गावकरी मंडळीने अथक परिश्रम घेतले.
