🌹असे माझे बाबा…🌹

कवियत्री: प्रतिभा गौपाले,
राह. नागपूर

आई माझ्या चुका
पदरात घ्यायची..
पण बाबा ओरडुन
चुकांतून शिक म्हणायचे..
असे माझे बाबा!

काही लागलं तर
आई स्वतःद्यायची..
पण ते म्हणत स्वतः
तू तुझं मिळव..
असे माझे बाबा!

स्वतः राब राबून
आम्हाला शिकवलं..
स्वतः फाटके कपडे घालून
आम्हाला घडवलं…
असे माझे बाबा!

माझ्या लग्नाच्या वेळी
घरच्यांना सांभाळ म्हणले..
स्वतः आयुष्यभर कणखर ते
मी सासरी जाताना खुप रडले…
असे माझे बाबा!

आपल्या परिसरात बातम्या करिता आजच संपर्क साधावा महाराष्ट्र संदेश न्युज 9766445348