युवराज मेश्राम प्रधान संपादक
महाराष्ट्र संदेश न्युज ! ऑनलाईन नागपूर:- जिल्हातून एक खळबळजनक घटना समोर आली आहे. नरखेडमध्ये शेतीचा लेखाजोखा ठेवणाऱ्या 78 वर्षीय दिवानजीच्या प्रेमात 32 वर्षीय महिला पडली. या अनैतिक संबंधाचा अंत मात्र महिलेच्या पतीच्या हत्याने झाला. ही घटना समोर येताच संपूर्ण गावात खळबळ उडाली आहे. ही धक्कादायक घटना मंगळवारी उघडकीस आली.
शेतातील घरात महिला दिवानजी सोबत शारीरिक संबंध प्रस्थापित करत असताना अचानक महिलेचा पती घरी आला. त्याला पत्नी आणि दिवाणजी ‘नको त्या अवस्थेत’ दिसून आले. त्यामुळे त्याला या दोघांचा मोठा राग आला. त्यानंतर त्याने आपल्या पत्नीला मारहाण केली तर दिवानजीला शिवीगाळ करुन हाकलून दिले. त्यानंतर मात्र, पत्नीने प्रियकराच्या मदतीने दारुड्या पतीचा गळा आवळून हत्या केली.
शिवा ऊर्फ शिवशंकर गणुजी धुर्वे वय 34 वर्ष, रा. नरखेड असे हत्या करण्यात आलेल्या व्यक्तीचे नाव आहे. तर पत्नी रुणीता धुर्वे वय 32 वर्ष आणि प्रियकर शांताराम पुरणसिंह दीदावत वय 78 वर्ष रा. बेलोना, ता. नरखेड अशी आरोपी प्रेमीयुगुलाची नावे आहेत. या प्रेमी युगुलाला नरखेड पोलिसांनी बेड्या ठोकल्या असून न्यायालयाने त्यांना पोलीस कोठडीत ठेवण्याचे आदेश दिले आहेत
मिळालेल्या माहितीनुसार बिरोली, ता. मुलताई. जि. बैतूल-मध्यप्रदेश येथील रहिवाशी मृतक शिवशंकर हा आपल्या पत्नी रुणीता व दोन मुलांसह कामाच्या शोधात नागपूरला आला होता. त्याला नरखेडमधील एका शेतकऱ्याच्या शेतीवर सालगडी म्हणून काम मिळाले. शिवा हा शेतातील घरात कुटुंबासह राहायला लागला. पती-पत्नी शेतातील काम करीत होते. तर त्यांची दोन्ही मुले नरखेड येथील शाळेत शिकत होती. सर्व काही सुरळीत सुरु होते. यादरम्यान पती शिवा याला दारुचे व्यसन जडले. तो रोज दारु पिऊन घरी यायला लागला. दारु पिण्याच्या सवयीमुळे घरात पती-पत्नीत वाद होत होते. शिवा काम करीत असलेल्या शेतमालकाकडे शांताराम दीदावत वय 78 वर्ष हा दिवानजी म्हणून काम बघत होता. शेतीचा लेखाजोखा आणि शेतमजुरांची मजुरी देण्याचे काम शांतारामकडे होती. त्यामुळे तो नेहमी शिवाच्या घरी येत होता. यादरम्यान, रुणीताचे शेतावरील दिवानजी शांताराम दीदावत याच्याशी सूत जुळले. दारुड्या पतीला कंटाळलेल्या रुणीताने वृद्ध दिवानजीशी अनैतिक संबंध ठेवणे सुरु केले. दिवानजी सुद्धा रोज शेतातील घरी यायला लागला.
‘नको त्या अवस्थेत’ पकडल्याने हत्या : रविवारी शिवशंकर हा दारु पिण्यासाठी गावात गेला होता. शेतावर कुणी नसल्याची संधी साधून रुणीता आणि शांताराम हे दोघेही शारीरिक संबंध प्रस्थापित करीत होते. दरम्यान, तिचा पती घरी आला. दोघेही ‘नको त्या अवस्थेत’ दिसले. चिडलेल्या पतीने रुणीताला मारहाण केली. तसेच शांतारामला बघून घेण्याची धमकी दिली. त्यामुळे सोमवारी रात्री दारुच्या नशेत असलेल्या शिवशंकर याचा रुणीता आणि प्रियकर शांताराम यांनी गळा आवळून खून केला. दुसऱ्या दिवशी अप्पर अधीक्षक अनिल म्हस्के यांना हत्याकांडाबाबत संशय आला. त्यांनी कसून चौकशी केल्यानंतर हे हत्याकांड उघडकीस आले.
