वाकी येथे संत ताजुद्दीन बाबांच्या दरबार भाविकांनी फुलला.
अनिल अडकिने नागपूर जिल्हा प्रतिनिधी
महाराष्ट्र संदेश न्युज ! ऑनलाईन सावनेर:- पाटणसावांगी येथून ६ कि.मी.अंतरावर श्री.क्षेत्र वाकी दरबार येथे बाबा ताजुद्दीन यांच्या १०० व्या पुण्यतिथी निमित्त शताब्दी महोत्सवाचे आयोजन करण्यात आलेले होते. श्री संत ताजुद्दीन बाबा यांनी १७ ऑगस्ट १९२५ ला महासमाधी घेतली.१७ ऑगस्ट २०२५ ला १०० वर्ष पुर्ण झाले.त्या पार्श्वभूमीवर शताब्दी वर्ष महोत्सव मोठ्या भक्तीभावाने, उत्साहात साजरे करण्यात आले. आयोजन दरबार ट्रस्टद्वारे १६ ते १८ ऑगस्ट २०२५ पर्यंत करण्यात आला.देशभरातील संत, महात्मा व हजारो श्रद्धालु भक्तगण सहभागी झाले.
यावेळी प्रमुख उद्घाटक व वक्ते म्हणून सद्गुरु अवधूत दादा गुरु (अखंड निराहार सिद्ध महायोगी) यांच्या सह आशिष देशमुख आमदार सावनेर कळमेश्वर विधानसभा क्षेत्र, प्रल्हाद पटेल (मंत्री मध्य प्रदेश), यजमान मोहन मते, श्रीमंत राजे रघुजी भोसले महाराज, श्रीमंत राजे डॉ. मुधोजी भोसले महाराज, डॉ.वैभव अलोणी महामंडलेश्वर गणेश मठ बिछवा (म.प्र.), सौ.अन्नपूर्णाताई डहाके (सरपंच वाकी) यांच्यासह इतर मान्यवरांच्या उपस्थितीत महाअभिषेक व महापूजन करण्यात आले.
यावेळी कल्की पीठाधीश्वर आचार्य प्रमोद कृष्णन यांचे प्रवचन झाले. मौलाना सय्यद शहा गुलाम अफजल बियाबानी (तेलंगाणा), विवेक महाराज (राजना) यांचे उदबोधन झाल्यानंतर यांच्या हस्ते कलश पूजन व स्थापना करण्यात तसेच आध्यात्मिक इंग्रजी प्रार्थना स्तोत्राचे प्रकाशन करण्यात आले. या कार्यक्रमात उपस्थित विविध धर्माच्या धर्मगुरूचा विशेष सत्कार करण्यात आला. तसेच सायंकाळी ७ वा. मुस्तफा अजीज नाजा( मुंबई) यांच्याद्वारे सुफियाना कव्वाली सादर करण्यात आली.सुफी कव्वालीने वातावरण भक्तीमय झाले असून कव्वालीला भाविकांचा भरपूर प्रतिसाद मिळाला.
१८ ऑगस्टला सकाळी १० वाजता ह.भ.प. प्रभाकरदादा बोधले (श्री संत माणकोजी महाराजांचे वंशज) यांचे गोपाल काल्याचे किर्तन आटोपले कीर्तनानंतर लगेच असंख्य भाविकांनी धार्मिक कार्यक्रमासह महाप्रसादाचा आस्वाद घेतला. व शताब्दी महोत्सवाचा समारोप करण्यात आला.
वाकी दरबार ट्रस्ट अध्यक्ष श्री.प्रभाकरजी डहाके पाटील, सचिव ज्ञानेश्वरजी डहाके पाटील, विश्वस्त मधुकरराव टेकाडे, किशोर चिंद्दरवार, सचिन डांगोरे, तसेच माजी आ.सुधाकर कोहळे, माजी आ. टेकचंद सावरकर, अशोक जीवतोडे, अँड.मिलिंद केदार, भाजपा जिल्हाउपाध्यक्ष रामराव मोवाडे, शिवसेना नागपुर जिल्हाअध्यक्ष उत्तम कापसे, सावनेर शहर अध्यक्ष राजूभाऊ घुगल, किशोर मुसळे, अशोक तांदूळकर यांच्यासह भाविक मोठ्या संख्येने उपस्थित होते.
