विश्वनाथ जांभुळकर एटापल्ली तालुका प्रतिनिधी मो. नं. 9421856931
एटापल्ली : आदिवासी संस्कृती गोटूल भवन येथे दिनांक १६ नोव्हेंबर २०२५ रोजी संदीप झुंबा फिटनेस व योगा क्लासेसचा शानदार उद्घाटन सोहळा संपन्न झाला.एटापल्ली नगरपंचायतच्या नगराध्यक्षा रेखाताई मोहूर्ले यांच्या शुभहस्ते या फिटनेस क्लासेसचे दीप प्रज्वलन करून उद्घाटन करण्यात आले.
यावेळी अनेक मान्यवरांची आणि शहरातील प्रतिष्ठित नागरिकांची प्रामुख्याने उपस्थिती होती.
या उद्घाटन समारंभाला नगरसेवक राघवेंद्र सुल्वावार, राहुल कुळमेथे,जितेंद्र टिकले, निर्मलाताई नल्लावार यांची विशेष उपस्थिती लाभली.तसेच पत्रकारितेच्या क्षेत्रातील राकेश तेलकुंटलवार,शैलेश आकुलवार आणि महेंद्र सुल्वावार यांच्यासह
संदिप जंबोजवार,कनिका सरकार,आरती कोरेत,प्रवीण आलोने,राजकुमार,अक्षय येमला व नागरिक या कार्यक्रमाला उपस्थित होते.मान्यवरांच्या उपस्थितीमुळे कार्यक्रमाची शोभा वाढली आणि संदीप झुंबा फिटनेस व योगा क्लासेसला शुभेच्छा देण्यात आल्या.
एटापल्लीतील नागरिकांचे आरोग्य आणि फिटनेस जतन करण्याच्या उद्देशाने सुरू होणारे हे क्लासेस दिनांक १७ नोव्हेंबर २०२५ पासून नियमितपणे सुरू होणार आहेत.या क्लासेसची वेळ सकाळी ६ ते ८ वाजेपर्यंत असणार आहे.
क्लासेसच्या आयोजकांनी एटापल्ली शहर आणि परिसरातील सर्व नागरिकांना उत्तम आरोग्यासाठी या फिटनेस आणि योगा क्लासेसचा लाभ घेण्याचे आवाहन केले आहे.
संदीप झुंबा फिटनेस व योगा क्लासेसच्या माध्यमातून शहरवासीयांना आरोग्यपूर्ण जीवनशैलीसाठी एक उत्तम व्यासपीठ उपलब्ध झाले आहे.
