महाराष्ट्र संदेश न्युज ! ऑनलाईन:- एक मन सुन्न करणारी घटना समोर आली आहे. एका 7 वर्षांच्या चिमुकल्या मुलीवर अतिशय क्रूरपणे बलात्कार केल्याची घटना गुजरात राज्यातील राजकोट जिल्ह्यातून समोर आली आहे. या नराधम आरोपीने या चिमुकल्या मुलीच्या गुप्तांगात लोखंडी सळई घालून तिला गंभीर जखमी केले आहे. ही घटनेची माहिती मिळताच पोलिसांनी तातडीने कारवाई करत एका 35 वर्षीय आरोपी रामसिंग याला बेड्या ठोकल्या आहे. तर पीडित चिमुकलीव राजकोट येथील शासकीय रुग्णालयात उपचार सुरू असून तिची प्रकृती स्थिर आहे.
काय आहे ही घटना? 4 डिसेंबर पीडित चिमुकली शेतात काम करणाऱ्या तिच्या आई-वडिलांसोबत होती. नराधम आरोपी रामसिंग याने तिला एका निर्जनस्थळी नेले. तिथे त्याने तिला बांधून ठेवले आणि तिच्यावर अत्याचार केला. इतकेच नाही, तर आरोपीने तिच्या खाजगी भागात एक फूट लांब लोखंडी सळई घातली. मुलीचे आई-वडील तिला शोधत असताना त्यांना ती रक्ताच्या थारोळ्यात सापडली. त्यांनी तातडीने तिला जवळच्या रुग्णालयात नेले, तिथून तिला राजकोट येथे उपचारासाठी पाठवण्यात आले.
यावेळी रुग्णालयाने पोलिसांना याबाबत माहिती दिली घटनेचं गांभीर्य ओळखत तपास करण्यासाठी 10 टीम करून आजूबाजूच्या गावातील सीसीटीव्ही फुटेज गोळा करून त्याचे विश्लेषण करण्यात आले. गुन्ह्याच्या वेळी त्या परिसरात सक्रिय असलेल्या मोबाईल फोनच्या डेटाचीही पोलिसांनी तपासणी केली. या तपासातून 140 संशयितांची यादी तयार करण्यात आली. या सर्वांना गुन्हा घडला त्यावेळी ते कुठे होते, याची खात्री करण्यासाठी बोलावण्यात आले. त्यानंतर पोलिसांनी 10 जणांची निवड केली. त्यानंतर पोलिस विभागाने बाल समुपदेशक, महिला पोलीस अधिकारी आणि डॉक्टरांच्या मदतीने पीडित मुलीला या सर्वाचे फोटो दाखवले. त्यात पिढीत चिमुकलीने एका व्यक्तीला ओळखले, ज्याला ताब्यात घेऊन चौकशी करण्यात आली.
“पोलिसांनी कडून चौकशी केल्यानंतर नराधम आरोपीने आपला गुन्हा कबूल केला. चौकशीत आरोपीने सांगितले की, त्याने 4 डिसेंबर रोजी सकाळी 11 वाजण्याच्या सुमारास एका पाण्याच्या टाकीजवळ मुलीवर लैंगिक अत्याचार करण्याचा प्रयत्न केला. तो अयशस्वी ठरल्याने रागाच्या भरात त्याने मुलीला लोखंडी सळईने जखमी केले.
“या प्रकरणी पीडित मुलीच्या वडिलांनी दिलेल्या तक्रारीवरून पोलिसांनी भारतीय न्याय संहिता कलम 65 (2) आणि बाल लैंगिक अत्याचार प्रतिबंधक कायदा (POCSO Act) कलम 5 (I), 5 (M), आणि 6 (1) अंतर्गत गुन्हा दाखल केला आहे. हा गुन्हा सोमवारी रात्री उशिरा नोंदवण्यात आला. पीडित मुलीवर सध्या उपचार सुरू असून तिची प्रकृती स्थिर आहे. पोलिसांनी आरोपीला अटक केली असून पुढील तपास सुरू आहे. या घटनेमुळे परिसरात भीतीचे वातावरण पसरले आहे.
