मधुकर गोंगले, उपसंपादक.
मो. नं. 9420751809.
*कुरखेडा :-*
देऊळगाव येथील व सध्या कुरखेडा येथे वास्तव्यास असणाऱ्या साहित्यिक, सामाजिक कार्यकर्त्या संगीता संतोष ठलाल आपल्या दैनंदिन लिखाणाबरोबरच अनेक सामाजिक उपक्रम राबवले आहेत. दरवर्षी आपल्या वाढदिवसाच्या निमित्ताने गोर,गरीब, आदिवासी, दिव्यांग यांची भेट घेऊन व भेट वस्तू देऊन सामाजिक उपक्रम राबवत असतात, तसेच . या वर्षी सुद्धा उपजिल्हा रुग्णालय कुरखेडा येथे जाऊन रुग्णांची भेट घेतली, त्यांच्याशी संवाद साधला व त्यांना फळ वाटप करून आपला वाढदिवस साजरा केला. रुग्णांनी सुद्धा त्यांना वाढदिवसाच्या शुभेच्छा दिल्या त्या शुभ प्रसंगी उपस्थित असलेले वैद्यकीय अधिकारी डॉ.सचिन कवाडकर, डॉ.राऊत,डॉ.प्रिया जुमनाके, कर्मचारी पुष्पलता कवाड, बडोले,सुप्रिया मॅडम, शिवलता सिस्टर, योगेश सर व कर्मचारी उपस्थित होते. सोबतच संगीता ठलाल यांनी आपला सर्वपरिचित असलेला “रानभाज्यांच्या जगात” हा संशोधन ग्रंथ रुग्णालयाला भेट म्हणून दिले. सोबतच डॉ.प्रिया जुमनाके यांनी संगीता ठलाल यांना भेट वस्तू देऊन त्यांना पुढील वाटचालीस शुभेच्छा दिल्या. उपस्थित असलेले सर्व कर्मचारी वृंदानी त्यांना वाढदिवसाच्या शुभेच्छा दिल्या. रुग्णालयातील एवढा स्नेह बघून संगीता ठलाल यांनी रुग्णांचे तसेच कर्मचारी वृंदाचे आभार मानले.
