मधुकर गोंगले, उपसंपादक.
मो. नं. 9420751809.
भामरागड तालुक्यातील मौजा मन्नेराजाराम येथे छत्रपती शिवाजी महाराज महसूल समाधान शिबिराचे आयोजन करण्यात आले. या शिबिराचा उद्देश नागरिकांच्या महसूल विभागाशी संबंधित समस्या सोडविणे तसेच विविध शासकीय योजनांची माहिती देणे हा होता.
या कार्यक्रमाचे उद्घाटन इंदरशाह मडावी (तालुका अध्यक्ष, राष्ट्रवादी काँग्रेस पार्टी, भामरागड)* यांच्या हस्ते करण्यात आले. कार्यक्रमाच्या अध्यक्षस्थानी *किशोर बागडे (तहसीलदार, भामरागड)*उपस्थित होते.
यावेळी प्रमुख अतिथी म्हणून *मा. माजगदाने (नायब तहसीलदार), सिताराम मडावी (प्रगतशील शेतकरी), मा. राऊत (ता. क्र. अधिकारी), मा. जाधव (भूमिअभिलेख अधिकारी), मा. डोर्लीकर (बचत गट समन्वयक), विकास गेडाम (RI) आणि मा. विजय झाडे (शिक्षक)* उपस्थित होते.
कार्यक्रमादरम्यान उपस्थित मान्यवरांनी नागरिकांना *विविध शासकीय योजना, महसूल विषयक सेवा आणि शेतकऱ्यांसाठी उपलब्ध सुविधांबाबत* मार्गदर्शन केले. तसेच गावकऱ्यांच्या समस्या ऐकून त्यांचे तात्काळ निराकरण करण्याचा प्रयत्न करण्यात आला.
या शिबिराला गावातील नागरिक, शेतकरी व महिला बचत गटाच्या सदस्यांनी मोठ्या संख्येने उपस्थिती दर्शविली.
