150 बेड वाढीसह अत्याधुनिक MRI व CT स्कॅन सुविधा उपलब्ध.
मा काली अम्माल हॉस्पिटल
विश्वनाथ जांभुळकर तालुका प्रतिनिधी मोबाईल क्रं 9421856931
एटापल्ली:
तालुक्यातील लॉयड्स मेटल्स अँड एनर्जी
लिमिटेड कंपनी यांच्या सामाजिक बांधिलकीतून उभारण्यात आलेले मा काली अम्माल हॉस्पिटल आता मोठ्या विस्तारानंतर मल्टी स्पेशालिटी हॉस्पिटलमध्ये रूपांतरित झाले आहे. या विस्ताराअंतर्गत हॉस्पिटलमध्ये 150 बेडची वाढ करण्यात आली असून अत्याधुनिक MRI आणि CT स्कैन मशीनची सुविधा सुरू करण्यात आली आहे. ग्रामीण भागातील नागरिकांना दर्जेदार आरोग्य सेवा उपलब्ध करून देण्याच्या उद्देशाने कंपनीने हा महत्त्वपूर्ण उपक्रम हाती घेतला आहे. पूर्वी मर्यादित सुविधा असलेल्या या हॉस्पिटलमध्ये आता विविध आजारांवर एकाच छताखाली उपचार मिळणार असल्याने परिसरातील नागरिकांना मोठा दिलासा मिळणार आहे. नवीन MRI आणि CT स्कैन मशीनमुळे मेंदू, हृदय, हाडे तसेच इतर जटिल आजारांचे अचूक निदान करणे शक्य झाले आहे. त्यामुळे रुग्णांना योग्य वेळी आणि योग्य उपचार मिळण्याची प्रक्रिया अधिक जलद व परिणामकारक झाली आहे. याशिवाय विविध क्षेत्रातील तज्ञ डॉक्टरांची नियुक्ती करण्यात आली असून रुग्णसेवेचा दर्जा उंचावण्यात आला आहे. या विस्तारामध्ये आयसीयु, आधुनिक ऑपरेशन विएटर, आपत्कालीन सेवा, मातृत्व व बालरोग विभाग यांना देखील अत्याधुनिक उपकरणांनी सुसज्ज करण्यात आले आहे. त्यामुळे गंभीर रुग्णांवर तातडीने उपचार करणे शक्य झाले असून, जीव वाचविण्याचे प्रमाण वाढण्याची अपेक्षा व्यक्त केली जात आहे. ग्रामीण भागातील नागरिकांना यापूर्वी छोठ्या तपासण्यांसाठीही गडचिरोली, चंद्रपूर किंवा इतर मोठ्या शहरामध्ये जावे लागत