राष्टीय मानवधिकारी संघटनेचे प्रदेश अध्यक्ष प्रणयभाऊ खुणे यांची प्रमुख उपस्थितीत नियुक्ती.
मधुकर गोंगले, उपसंपादक.
मो. नं. 9420751809.
राष्ट्रीय मानवाधिकार संगठनेचे राष्ट्रीय अध्यक्ष महेश पटेल यांच्या अध्यक्षतेखाली राष्ट्रीय मानवाधिकार संगठन (NCT Society Reg. Act 1860 XXI) यांच्या वतीने सिरोंचा तालुक्यातील सामाजिक कार्यकर्ते मुरलीधर नागय्या रचा यांची सिरोंचा तालुका अध्यक्षपदी नियुक्ती करण्यात आली आहे. नुकतेच त्यांना संघटनेचे अधिकृत ओळखपत्र प्रदान करण्यात आले.
यावेळी राष्ट्रीय मानवाधिकार संघटनेचे प्रदेश अध्यक्ष प्रणय खूणे, अल्पसंख्यांक विभागाचे राष्ट्रीय उपाध्यक्ष जावेद अली तसेच जिल्हा अध्यक्ष रमेश अधिकारी उपस्थित होते. त्यांच्या हस्ते नियुक्ती जाहीर करण्यात आली.
मानवाधिकार संरक्षण, सामाजिक न्याय तसेच जनतेच्या समस्या शासनापर्यंत पोहोचविण्याचे कार्य अधिक प्रभावीपणे करण्याची जबाबदारी मुरलीधर नागय्या रचा यांच्यावर सोपविण्यात आली आहे. त्यांच्या नियुक्तीमुळे परिसरातील सामाजिक व मानवाधिकार विषयक कार्याला अधिक बळ मिळणार असल्याची भावना व्यक्त केली जात आहे.
मुरलीधर नागय्या रचा यांनी संघटनेच्या माध्यमातून सामान्य नागरिकांच्या हक्कांसाठी प्रामाणिकपणे कार्य करण्याचा निर्धार व्यक्त केला. त्यांच्या निवडीबद्दल विविध स्तरातून अभिनंदन करण्यात येत आहे.
