विश्वास त्रिभुवन, अहमदनगर जिल्हा प्रतिनिधी
नेवासा:- तालुक्यातील खेडले काजळी येथील कृषी तज्ज्ञ डॉ. अशोकराव ढगे यांच्या गाडीचा प्रवरासंगम येथे अपघात झाला असून. या अपघातामध्ये ते सुदैवाने ते किरकोळ जखमी झाले आहेत.
तालुक्यातील प्रवरासंगम येथे सकाळी दहा वाजताच्या सुमारास जालना-पुणे गाडीने डॉ. ढगे यांच्या कियासोनेट एम.एच.17 सी. एम. /4723 कारला जोरदार धडक दिली. या अपघातात गाडीचे नुकसान झाले असून डॉ. ढगे यांना काही गंभीर दुखापत झाली नसून त्यांना किरकोळ मार लागला आहे. डॉ. ढगे यांचा प्रवरासंगम बसस्थानकावर अपघात झाल्याचे समजताच नागरिकांनी मोठी गर्दी केली.
नेवासा तालुक्याला डॉक्टर हे एक लाभलेले चांगले व्यक्तिमत्व असून त्यांनी शेतकर्‍यांना कृषी तंत्रज्ञानाबाबत अनमोल मार्गदर्शन केले आहे. डॉ. ढगे हे सुखरूप असल्याचे समजताच अनेकांनी सुटकेचा श्वास सोडला. दरम्यान, औरंगाबाद-अहमदनगर रोडवरील अपघाताचे प्रमाण वाढले आहे. त्यासाठी गतिरोधक व रुंद जागा असणे आवश्यक असल्याची मागणी नागरिकांनी केली आहे.
