✒️मुकेश चौधरी, कार्यकारी संपादक
वर्धा:- जिल्हातील हिंगणघाट शहर हे सध्या क्रिकेट सट्टाच माहेर घर झाल्याचे दिसून येत आहे. येथे प्रत्येक क्रिकेट सामन्यावर मोठ्या प्रमाणात सट्टा खेळला जातो आणि हिंगणघाट शहरात मोठ्या प्रमाणात बुकी सक्रिय असल्याचे सूत्रांकडून माहिती प्राप्त झाली आहे.
काल आस्टेलिया येथे रंगलेल्या 2022 विश्व चषकच्या 20/20 सामना भारत विरुध्द झिबांम्बे असा होता. या सामन्यावर मोठ्या प्रमाणात सट्टा खेळला जात असल्याची माहिती हिंगणघाट पोलिसाना प्राप्त झाली. त्या माहितीच्या आधारावर हिंगणघाट पोलिसांनी दोन क्रिकेट सट्टा बुकिंना अटक केली. हा सर्व प्रकार दुपारी साडे तीन वाजताच्या सुमारास समोर आला आहे.
काल सेमी फायनल पूर्वीचा अखेरचा सामना खेळला जात होता. भारत विरुद्ध झिबॉम्बे यांचा मध्ये हा क्रिकेटचा सामना सुरू असताना दुपारी साडेतीनच्या दरम्यान हा प्रकार उघडकिस आला, क्रिकेट सट्टा बुकी हे विना क्रमांकाच्या जुपिटर मोपेड वाहनाने शहरात फिरून क्रिकेट सट्टा घेत असल्याची माहिती पोलिसांना मिळाली.
या माहितीच्या आधारावर शहराबाहेरील राष्ट्रीय महामार्गावर असलेल्या नांदगाव चौकात आरोपी आशिष उर्फ बंटी बजरंग लाल व्यास वय 45 वर्ष रा.कोचर वार्ड हिंगणघाट तर दुसरा खामगाव येथील बालाजी वार्ड येथे राहणारा श्यामलाल सुगनचंद शर्मा वय 32 वर्ष या दोघांना काही इसमांकडून सट्टा लावतांना विवेक बनसोड यांच्या पथकाने धाड टाकून रंगेहात अटक केली. पोलिसांनी यावेळी यांच्याकडे 5 मोबाईल हँडसेट,1 विना नंबरची जुपिटर मोटर सायकल तसेच 4 हजार 200 रुपये रोख असा एकूण 90 हजार 400 रुपयांचा मुद्देमाल जप्त केला. सदरची कारवाई पोलीस अधिक्षक नुरुल हसन, अप्पर पोलीस अधीक्षक यशवंत सोळंकी, उपविभागीय पोलीस अधिकारी दिनेश कदम, पोलीस निरीक्षक कैलास पुंडकर यांचे मार्गदर्शनाखाली गुन्हे प्रकटीकरण शाखेचे पोहवा.विवेक बनसोड, पोलीस कर्मचारी पंकज घोडे, आशिष गेडाम, प्रशांत वाटखेडे, उमेश बेले इत्यादींनी केली आहे.
मोठे मासे लागेल काय गळाला?
हिंगणघाट शहरात मोठ्या प्रमाणात क्रिकेट सट्टा घेणारे बुकी सक्रिय आहेत. त्यांचं नेटर्किंग खूप स्टाँग असल्याची माहिती मिळत आहे. असा मोठ्या मास्या वर पण कारवाई झाली पाहिजे असे मत नागरिक मांडत आहे.
अशा बुकी मुळे अनेक तरुण वाम मार्गाला लागेल आहे. काही तरुणांनी या क्रिकेट सट्टामुळे बर्बाद होऊन आत्महत्या करण्याचा पण प्रयत्न केला असल्याचे काही महिन्या अगोदर समोर आले होते. त्यामुळे या प्रकरणात खोलवर जाऊन नव्याने रुजू झालेल्या पोलिस अधीक्षक नुरुल हसन यांनी सर्व बुकिवर कारवाई करावी.