पंकेश जाधव पुणे ब्यूरो चीफ
गुन्हे शाखा युनिट-०४, पुणे शहर
पुणे :- शहर व येरवडा, कल्याणीनगर, कोरेगांव पार्क विमाननगर या भागात रात्रीच्या वेळी अंगात खाकी कपडे, त्यावर जर्किंग घालून लोकांना पोलीस असल्याची बतावणी करून फसवणुक करणा-या इसमा बाबत वरिष्ठ अधिकारी यांनी खास मोहिम आखुन तोतया पोलीसारा पकडुन कारवाईचे आदेश दिलेले होते. सदरबाबत येरवडा पोलीस ठाणे गु.र.न. ५४५/२०२२ भा.द.वि. कलम ४२० १७० प्रमाणे गुन्हा दाखल करण्यात आला होता.
पोलीस निरीक्षक गणेश माने यांचे पथकातील पोलीस अधिकारी व अंमलदार यांना दाखल गुन्हयातील आरोपीचा शोध घेत असताना पोलीस अंमलदार यांना बातमीदारामार्फत बातमी मिळाली की, प्रमोद ढेरे हा स्विफ्ट गाडी नंबर एमएच / १२ / एलजे / ०४१८ या गाडीत ईराणी मार्केट जवळ आहे. त्याने पोलीसांच्या सारखे केस कापलेले आहेत. अशी खात्रीशीर बातमी मिळाल्याप्रमाणे तोतया पोलीस प्रमोद बाळु ढेरे,वय-३० वर्षे,रा.सव्र्व्हे नं. १२, लक्ष्मीनगर, श्रीकांत सुपर मार्केट जवळ लहुजी वस्ताद कार्यालयाचे समोर येरवडा, पुणे यारा तो वापरत असलेली मारुती सुझुकी कंपनीची स्विफ्ट कारच्या काचेवर मोठया अक्षरात POLICE असे लाल अक्षरात रेडीयमने लिहीलेले व त्यावरती पोलीसांचा मोनोग्राम लावलेली, त्या कारमधुन पोलीस वापरतात तश्या शिट्टया व लाठी असा सर्व मिळुन ५,१०,१८०/- रुपये किया ऐवज जप्त करण्यात आलेला आहे.
सदर आरोपीकडे अधिक तपास करता तो १२ वी पास आहे, परंतु तो कोणत्याही कारणा शिवाय पोलीस ठाणे, कोर्टात जातो. तेथे नेहमी फिरून पोलीसांची कार्यपध्दती, त्यांचे चालणे-बोलणे, राहणीमान यांचा अभ्यास करून, त्याप्रमाणे तो राहुन लोकांची पोलीस असल्याची बतावणी करुन फसवणुक करीत असल्याचे तपासात निष्पन्न झाले आहे. नमुद आरोपीस पुढील कारवाईकरीता येरवडा पोलीस ठाणेचे ताब्यात देण्यात आले आहे.
सदरची उल्लेखनिय कामगिरी मा. पोलीस आयुक्त श्री अमिताभ गुप्ता, मा. पोलीस सह आयुक्त, श्री. संदीप कर्णिक, मा. अपर पोलीस आयुक्त, गुन्हे, श्री. रामनाथ पोकळे, मा. पोलीस उप-आयुक्त, गुन्हे श्री. अमोल झेंडे, मा. सहायक पोलीस आयुक्त, गुन्हे २. श्री नारायण शिरगावकर, पोलीस निरीक्षक गणेश माने यांचे मार्गदर्शना खाली सहा पोलीस फौजदार, महेंद्र पवार, पोलीस अंमलदार, नागेशसिंग कुँवर, रमेश राठोड, मनोज सांगळे यांनी केली आहे.
