गोंदिया जिल्हा प्रतिनिधी
महाराष्ट्र संदेश न्युज! ऑनलाईन गोंदिया:- वैनगंगा नदीच्या पात्रातून काही लोक बेकायदे शीरित्या विना परवाना वाळूचे उत्खनन करून गौण खनिजाची चोरी करीत आहेत अशी खात्रीशिर माहिती पोलिस अधिक्षक यांचे विशेष पोलिस पथकास मिळताच दिनांक 5 डिसेंबर मध्यरात्री 3 ते पहाटे 6.30 वाजताच्या सुमारास पोलिस अधीक्षक निखिल पिंगळे यांचे आदेशा नुसार तसेच अपर पोलिस अधीक्षक अशोक बनकर यांचे निर्देशान्वये व मार्गदर्शनात
उपविभागीय पोलिस अधिकारी देवरी संकेत देवळेकर यांचे नेतृत्वातील विशेष पोलिस पथकाने गौण खनिजाचे उत्खनन करून वाळू चोरी करणाऱ्या विरुद्ध धडक मोहीम राबवून दवनिवाडा हद्दीतील साईटोला घाट वैनगंगा नदीपात्र परिसरात छापा घातला असता आरोपी हे टिप्परच्या साहाय्याने वाळूची अवैधरित्या गौण खनिजाचे उत्खनन करून वाळूची चोरी करून वाहतूक करतांना मिळून आले.
तसेच साईटोला वैनगंगा नदीच्या पात्रात पोकलैंड मशीन द्वारे रेतीचे उत्खनन करतांना नदीपात्रात 5 काळया पिवळ्या रंगाची ह्युंडाई स्मॉर्ट प्लस रोबेक्स २१५ पोकलैंड मशीन अवैधरित्या रेती उत्खनन करुन रेती चोरी करुन वाहतूक करतांनी मिळून आल्याने व टिप्पर, पोकलैंड मशीन सह आरोपींना
आरोपी यांनी साईटोला घाट वैनगंगा नदी पात्रातून स्वतः चे आर्थिक फायद्याकरीता शासनाचा महसूल बुडवून वाळूचे अवैधरित्या उत्खनन करून वाळूची चोरी करून गुन्हा करण्यास सहाय्य केले आहे. आरोपितां विरुद्ध पो. स्टे. दवनिवाडा येथे अप. क्र. 279/2022 कलाम 379, 109 भारतिय दंड संहिता अन्वये गुन्हा दाखल करण्यात आलेला आहे. आरोपी यांचे कडून 2 करोड 15 लाख 60,000/- हजार रुपयांचा अवैध वाळूसाठा व उत्खनना करिता व वाळू चे वाहतुकी करिता वापरलेली वाहने जप्त केली आहेत. तसेच आरोपी 1 ते 6 यांना अटक करण्यात आलेले आहे. गुन्ह्याचा पुढील तपास दवनिवाडा पोलिस करीत आहेत.
सदरची कारवाई पोलिस अधीक्षक, निखिल पिंगळे यांचे आदेशान्वये, अपर पोलिस अधीक्षक, अशोक बनकर यांचे मार्गदर्शनात उपविभागीय पोलिस अधिकारी देवरी संकेत देवळेकर यांचे नेतृत्वात नेमलेले विशेष पोलिस पथकामधील पोलिस उपनिरीक्षक मंगेश वानखेडे, पोलिस अंमलदार पो. हवा. सुजित हलमारे, पो. हवा. महेश मेहर, पो.ना.शैलेषकुमार निनावे, पो. शि. सन्नी चौरसिया, दया घरत यांनी केली आहे.
