सास्ती येथे श्री दत्त जयंती व वंदनीय राष्ट्रसंत तुकडोजी महाराज यांची 54 वी पुण्यतिथी कार्यक्रम संपन्न.
संतोष मेश्राम, चंद्रपूर ग्रामीण जिल्हा प्रतिनिधी
महाराष्ट्र संदेश न्युज ! ऑनलाईन
राजुरा :- सास्ती येथे श्री दत्त जयंती व वंदनीय राष्ट्रसंत तुकडोजी महाराज यांची 54 वी पुण्यतिथी कार्यक्रम संपन्न झाला. यावेळी ग्रामसफाई, भजन कीर्तन, सामुदायिक प्रार्थना, हरिपाठ, श्री. दत्त जयंती कार्यक्रम असे विविध कार्यक्रम घेण्यात आले. याप्रसंगी सास्ती गावातील देवदूत डॉ. बी. के. भंडारी यांचा ग्रामवासि्यांनी शॉल, श्रीफळ व ग्रामगीता पुस्तकं देऊन जाहिर सत्कार केला.
कोरोना काळात स्वतःच्या जीवाची पर्वा न करता अनेक ग्रामीण व शहरी भागातील रुग्णाची सेवा करण्यात डॉ. भंडारी हे आघाडीवर होते. नाममात्र शुल्क घेऊन आजही ते रुग्णसेवा करतात. अनेक गरजू गरिबाकडून तर शुल्कही घेत नाही. सास्ती सारख्या ग्रामीण भागात गेल्या अनेक वर्षापासुन डॉ. भंडारी आपली आरोग्य सेवा अविरतपणे देत आहेत. कोरोना काळात होणाऱ्या आर्थिक लुटीत सुद्धा डॉ. भंडारी यांनी आपली नाममात्र शुल्कात रुग्णसेवा दिली. अनेकांना मानसिक आधार देऊन आरोग्यसेवा देऊन रुग्णाना बरे करण्यात भंडारी यांचा हातखंडा आहे. त्यांच्या या कार्याची दखल घेऊन सास्ती येथील श्री दत्त जयंती व वंदनीय राष्ट्रसंत तुकडोजी महाराज यांची 54 वी पुण्यतिथी उत्सव समितीच्या कार्यकर्त्यांनी डॉ. भंडारी यांचा यथोचीत गुणगौरव केला.
यावेळी विलास बुटले, संजय वैरागडे, रामाजी घटे, मारोती चोखारे, दिपक डेरकर, आनंदराव लांडे, पंकज कुडे, गणपत काळे, गजानन भोगेकर, रोहित वैरागडे, वारलू खवसे, मारोती लांडे, सुधाकर जीवतोडे, राहुल कोडापे, इंदिराबाई कुडे, नलिनी लांडे, राजश्री राजुरकर, अंकिता गाडगे, मायाबाई अवचट, श्रुती मोहितकर, सुवर्णा मोहितकर, छाया मोहितकर, भारती मोहितकर, सईबाई काळे, रुक्माबाई काळे, शकुन पिंपळशेंडे, विना पिंपळशेंडे, निरंजना नागोसे, रेखा मोहितकर, शशीकला नागोसे, सुरेखा लांडे, रजनी लांडे यांच्यासह सास्ती ग्रामवासी मोठयासंख्येने उपस्थित होते.
या कार्यक्रमाच्या यशस्वीतेकरिता श्री दत्त जयंती व वंदनीय राष्ट्रसंत तुकडोजी महाराज यांची 54 वी पुण्यतिथी उत्सव समितीच्या कार्यकर्त्यांनी अथक परिश्रम घेतले.
