सचिन पावरा, जळगाव प्रतिनिधी
महाराष्ट्र संदेश न्युज ! ऑनलाईन जळगाव:- आज राज्यपाल भरतसिंग कोश्यारी व चंद्रकांत पाटील यांनी महापुरुषांचा अपमान केला. या विरोधात आज जळगाव येथे लोक संघर्ष मोर्चा व बहुजन क्रांती मोर्चा, भारत मुक्ती मोर्चा, राष्ट्रीय मुस्लिम मोर्चा,बहुजन मुक्ती पार्टी व इतर पुरोगामी संघटनांनी रस्ता रोको आंदोलन केले.
यावेळी या आंदोलन कर्त्यानी सरकार विरोधात घोषणा बाजी करत संपूर्ण परिसर दकावून सोडला. नही चलेगी नही चलेगी सरकार तेरी दादागिरी नही चलेगी नही चलेगी. अशा घोषणा यावेळी सर्व कार्यकर्ते देत होते. यावेळी लोक संघर्ष मोर्चा व बहुजन क्रांती मोर्चा, भारत मुक्ती मोर्चा, राष्ट्रीय मुस्लिम मोर्चा,बहुजन मुक्ती पार्टी व इतर पुरोगामी संघटनेचे शेकडो कार्यकर्ते उपस्थित होते.
यावेळी रस्ता रोको आंदोलनची भनक पोलिसाना लागताच पोलिस अधिकारी घटनास्थळी दाखल झाले. यावेळी लोक संघर्ष मोर्चाचे अध्यक्ष प्रतिभाताई शिंदे यांना डिटेन करून व त्यानंतर मोठ्या प्रमाणात आंदोलनकारी कार्यकर्त्यांनी स्वतःला अटक करुन घेतले व नंतर सायंकाळी सर्वंची सुटका झाली.
