पंकेश जाधव पुणे ब्यूरो चीफ
युनिट २, गुन्हे शाखा, पुणे शहर
पूणे :- दिनांक २०/१२/२०१२ रोजी युनिट-२ कडील पोलीस उप निरी. कांबळे त्यांचे स्टाफसह स्वारगेट पोलीस स्टेशन हद्दित पेट्रोलिंग करीत असताना पोलीस अंमलदार यांना त्यांचे बातमीदारामार्फत बातमी मिळाली की, स्वारगेट ब्रिजचे खाली स्वारगेट कॅनोल लगत अंधारात काही गुंड प्रवृतीचे लोक त्यांचेजवळ हत्या-याने येणारे-जाणारे पादचारी लोकांना लुटण्याचे तयारीत थांबलेले आहेत.
त्या बातमीचे अनुशंगाने सदर ठिकाणी अचानक छापा टाकून चार इसमानी ताब्यात घेतले.. दरम्यान एक इसम अंधाराचा फायदा घेवुन पळुन गेला. ताब्यात घेतलेल्या इसमांना त्यांचे नाव पत्ता विचारता त्यांनी त्यांची नावे १ ) अक्षय किशोर शिंदे, वय २८ वर्ष, रा. पवार वस्ती, केशवनगर, जनसेवा बँकेजवळ मुंढवा, पुणे २) सतीश दशरथ साळुंखे, वय ५०, रा. ५२६. रासकर मळा, पुणे ३) अनिल शंकर जाधव, वय ४०, रा. केशवनगर, गायरान वस्ती, जवळ, कुंभार गल्ली, मुंढवा, पुणे ४) संदिप बाबुलाल कोरी, वय २७ वर्ष, रा. स. न. ३८/४, पर्वती दर्शन, पुणे व एक पाहिजे आरोपी ५) योगेश माने, रा. सर्वादय कॉलनी मुंढवा पुणे अशी असुन ताब्यात घेतलेल्या आरोपी यांचे अंगझडतीत कटर, एक मिरची पावडरची फोडलेली पुडी एक लोखंडी भरीव रॉड, दोन मोटार सायकल, एक अॅक्टीवा गाड़ी ०६ गोबाईल फोन असा एकुण २,८१,०९०/- रू किया गुददेगाल मिळून आला.
सदर आरोपी हे येणा-या जाणा-या लोकांना शस्त्राचा धाक दाखवुन लोकांना लुटण्याचे तयारीत असताना मिळुन आल्याने त्यांचे विरुध्द स्वारगेट पोलीस स्टेशन पुणे गुन्हा रजि.नं. २६७/२०२२, भादविक ३९९, ४०२, महा. पो. अॅक्ट कलम ३७ (१) (३) १३५ प्रमाणे गुन्हा दाखल करण्यात आला आहे. सदरचे आरोपी हे पोलीस अभिलेखावरील गुन्हेगार आहेत. आरोपीतांनी वाहन चोरी, मोबाईल चोरी व बस मधील चोरीचे गुन्हे केले असुन अधिक तपास पोलीस उप निरीक्षक, नितीन कांबळे गुन्हे शाखा युनिट २ हे करीत आहेत.
सदरची कामगिरी मा. पोलीस आयुक्त श्री. रितेशकुमार, मा. पोलीस सहआयुक्त, श्री. संदिप कर्णिक, मा. अपर पोलीस आयुक्त, गुन्हे, श्री. रामनाथ पोकळे, मा. पोलीस उप आयुक्त, गुन्हे, श्री. अमोल झेंडे, सहा. पोलीस आयुक्त, गुन्हे- १ श्री. गजानन टोम्पे यांचे मार्गदशनाखाली पोलीस निरीक्षक, क्रांतीकुमार पाटील, सपोनि वैशाली भोसले, पोलीस उप-निरीक्षक नितीन कांबळे, पोउपनिरी. राजेंद्र पाटोळे, पोलीस अंमलदार शंकर नेवसे, संजय जाधव, राहुल राजपुरे, प्रमोद कोकणे, गणेश थोरात, समीर पटेल, कादिर शेख, गजनान सोनुने, निखिल जाधव, साधणा ताम्हाणे व नागनाथ राख यांनी केली आहे.
