महिलांच्या क्रिकेटसाठी महापालिका प्रशासनाकडून पूर्ण सहकार्य केले जाईल: मिरा भाईंदर मनपा आयुक्त
नितीन शिंदे मुंबई महानगर प्रतिनिधी
9892250402
महाराष्ट्र संदेश न्युज ! ऑनलाईन मुंबई,दि. 02 फेब्रुवारी:- मिरा भाईंदर क्रिकेट अकॅडमीच्या वतीने आर.बि.के. शाळेलगत असलेल्या महापालिकेच्या मैदानात महिलांसाठी T20 क्रिकेट मॅचचे आयोजन करण्यात आले होते. सदर मॅच दरम्यान मिरा भाईंदर महानगरपालिका आयुक्त तथा प्रशासक दिलीप ढोले हे मुख्य अतिथी म्हणून उपस्थित होते. याप्रसंगी महानगरपालिकाचे सहाय्यक आयुक्त योगेश गुणीजन, आयपीएल गव्हर्निंग काऊन्सिल चे प्रतिनिधी पी.वी. शेट्टी, बेटी बचाओ, बेटी पढाओ संस्थेचे चेअरमन अजय दुबे, मिरा भाईंदर क्रिकेट अकॅडमीचे प्रतिनिधी व महिला खेळाडू उपस्थित होते.
मिरा भाईंदर शहरात प्रथमच महिलांसाठी क्रिकेटचे आयोजन करण्यात आले असल्याने आयुक्त यांनी मिरा भाईंदर क्रिकेट अकॅडमी व सर्व खेळाडूंचे अभिनंदन केले. आताच्या काळात भारताच्या महिला क्रिकेटने बरेच यश संपादन केले आहे. भविष्यात मिरा भाईंदर शहरातून उत्कृष्ट महिला क्रिकेटपटू घडवण्यासाठी विविध क्रिकेट अकॅडमी या सातत्याने प्रयत्न करत राहतील असा विश्वास यावेळी आयुक्त यांनी व्यक्त केला. ज्याप्रमाणे पुरुष क्रिकेट वर्गासाठी महापालिका प्रशासन विविध प्रयत्न करते त्याचबरोबर महिलांच्या क्रिकेटसाठीसुद्धा प्रशासनाकडून पूर्णपणे सहकार्य केले जाईल असे प्रतिपादन आयुक्त तथा प्रशासक दिलीप ढोले यांनी केले व सर्व खेळाडूंना उज्वल भविष्यासाठी शुभेच्छा दिल्या.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
