नितीन शिंदे, मुंबई महानगर प्रतिनिधी
9892250402
महाराष्ट्र संदेश न्युज ! ऑनलाईन मुंबई:- तुर्भे रेल्वे कंटेनर यार्ड (कॉनकोर) या ठिकाणी काम करणाऱ्या कामगार मागील काही वर्षांपासून शासनाने आखून दिलेल्या सुविधेपासून वंचीत आहे. त्यामुळे महाराष्ट्र नवनिर्माण सेनेचे अध्यक्ष राज ठाकरे यांच्या आदेशाने आणि महाराष्ट्र नवनिर्माण कामगार सेनेचे प्रदेश सरचिटणीस गजानन राणे यांच्या मार्गदर्शनाखाली याबाबत सविस्तर चर्चा करून कामगारांच्या मागण्याचे निवेदन दिले.
महाराष्ट्र नवनिर्माण सेनेचे अध्यक्ष राज ठाकरे यांच्या आदेशाने तसेच महाराष्ट्र नवनिर्माण कामगार सेनेचे प्रदेश सरचिटणीस गजानन राणे यांच्या मार्गदर्शनाखाली DTC तुर्भे रेल्वे कंटेनर यार्ड ( कॉनकोर ) या ठिकाणी काम करणाऱ्या कामगारांना कॉनकोर कडून वारंवार ठेकेदार बदलण्या मुळे कामगारांना कोणत्याही सुविधा मिळत नसून दर सहा महिन्यात नवीन ठेकेदार आला की आमच्या कामगारांना नाहक त्रास देणे व कामगार कपात करणे असे प्रकार चालू होते. महाराष्ट्र नवनिर्माण कामगार सेनेने वेळवेळी याचा पाठपुरावा करून वेळप्रसंगी आंदोलने करून कामगारांना न्याय मिळवून देण्याचा प्रयत्न केला आहे.
तुर्भे रेल्वे कंटेनर यार्ड येथे जाऊन यार्ड मॅनेजर राजेंद्र साळुंखे यांना भेटून चर्चा करून इथून पुढे नवीन टेंडर काढत असतांना जास्तीत जास्त कालावधी साठी काढावे तसेच जे ठेकेदार टेंडर भरतील ते आणि ज्यांना ठेका मिळेल त्यांना आमच्या कामगारनबाबत व त्यांच्या वेतन आणि इतर देणी व सुविधा या बाबत माहिती आपणाकडून देण्यात यावी. तसेच ते टेंडर टाकणार असतील त्यांची ही माहिती आम्हाला मिळावी. जेणेकरून भविष्यात काम करत असताना कोणत्याही प्रकारचा वाद निर्माण होणार नाही. या बाबत चर्चा करण्यात आली.
या वेळी टर्मिनल मॅनेजर यांनी सकारात्मक प्रतिसाद दिला व आपल्या कामगारांना कोणत्याही प्रकारचा त्रास दिला जाणार नसल्याची हमी दिली. या वेळी महाराष्ट्र नवनिर्माण कामगार सेनेचे सह चिटणीस बाळासाहेब शिंदे, वाहुतक सेनेचे प्रवीण आंद्रे, कामगार व कार्यकर्ते उपस्थित होते.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
