✒️ नितीन शिंदे, मुंबई महानगर प्रतिनिधी
महाराष्ट्र संदेश न्युज ! ऑनलाईन मिरा भाईंदर:- मियावॉकी पद्धतीने विकसित केलेल्या उद्यानाचा व झाडांच्या फांद्या व पालापाचोळा पासून ठोकळे व सेंद्रिय खत निर्मिती अश्या या पर्यावरणपूरक प्रकल्पाचा लोकार्पण सोहळा मा. आयुक्त यांच्या शुभहस्ते संपन्न झाला.
मिरा भाईंदर महानगरपालिका आयुक्त तथा प्रशासक दिलीप ढोले यांच्या मार्गदर्शनाखाली महाराष्ट्र शासनामार्फत सुरू करण्यात आलेल्या “माझी वसुंधरा 3.0” अभियान अंतर्गत विविध उपक्रम राबविण्यात येत आहे. पर्यावरण संवर्धन बाबत शहरातील नागरिकांमध्ये जनजागृती करणेकामी या विविध उपक्रमांचे आयोजन करण्यात येत आहे.
दिनांक 25 फेब्रुवारी 2023 रोजी महानगर पालिका कार्यक्षेत्रातील इंद्रलोक, फेस 3, तपोवन शाळेजवळील परिसरात माझी वसुंधरा अभियान 3.0 व “वनमहोत्सव 2023” अंतर्गत मेकिंग द डिफरन्स या संस्थेमार्फत 10500 रोपांची लागवड करून मियावाकी संकल्पनेतून साकारण्यात आलेल्या जंगलसदृश उद्यानाचे लोकार्पण महानगरपालिका आयुक्त तथा प्रशासक दिलीप ढोले यांच्या शुभहस्ते संपन्न झाला. तद्नंतर आयुक्त व उपस्थितांच्या शुभहस्ते सदर उद्यानात वृक्षरोपणाचा कार्यक्रम पार पडला. त्याचबरोबर घोडबंदर बस डेपोलगत महानगरपालिकामार्फत शास्त्रीय पद्धतीने झाडांच्या फांद्या व पालापाचोळा पासून ठोकळे व सेंद्रिय खत निर्मिती करणाऱ्या प्रकल्पाचे मा. आयुक्त यांच्या शुभहस्ते उद्घाटन करण्यात आले. रुपये 1 कोटी खर्च करून एमएमआर क्षेत्रातील हा पहिलाच प्रकल्प असल्याचे आयुक्त यांनी सांगितले. प्रकल्पासाठी अतिरिक्त आयुक्त अनिकेत मानोरकर, उपायुक्त (उद्यान) संजय शिंदे, शहर अभियंता दिपक खांबित, सार्वजनिक बांधकाम विभाग अधिकारी, उद्यान व पर्यावरण विभाग अधिकारी व कंत्राटदार यांनी मेहनत घेऊन यशस्वीपणे हा प्रकल्प उभारल्याबद्दल आयुक्त तथा प्रशासक दिलीप ढोले यांनी त्यांचे अभिनंदन केले.
★★★★★★★★★★★★★★★★★★★आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
