मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन गडचिरोली:- वंचित बहुजन आघाडीचे राष्ट्रीय अध्यक्ष एड बाळासाहेब आंबेडकर यांच्या कार्यावर विश्वास ठेऊन गडचिरोली शहरातील बिएसपी व कॉंग्रेसच्या अनेक तरुण कार्यकर्त्यांनी शहराध्यक्ष दिलीप बांबोळे यांच्या नेतृत्वात वंचित बहुजन आघाडीत पक्ष प्रवेश केला. तरूण कार्यकर्ते सुरज खोब्रागडे यांच्या सोबत पंकज कोकोडे, सागर मोहुर्ले, अनुप भसारकर, जितेश खाब्रागडे कवडू दुधे, प्रकाश भानारकर, प्रफुल रामटेके, अमर भसारकर या प्रमुख कार्यकर्त्यासहीत अनेक कार्यकर्त्यांनी पक्ष प्रवेश केला.
यावेळी पक्ष प्रवेश करणा-या कार्यकर्त्यांचा जिल्हाध्यक्ष बाळू टेंभुर्णे यांनी पक्षाचा दुपट्टा, टोपी व पुष्पगुच्छ देऊन देऊन स्वागत केले व पुढील कार्यास शुभेच्छा दिल्या. यावेळी पक्षाचे जिल्हा उपाध्यक्ष जी के बारसिंगे, महिला नेत्या मालाताई भजगवळी, तालुकाध्यक्ष बाशिद शेख, शहराध्यक्ष दिलीप बांबोळे, सोशल मिडीया प्रमुख जावेद शेख, तालुका उपाध्यक्ष मनोहर कुळमेथे, जिल्हा सदस्य भोजराज रामटेके, शहर संघटक भारत रायपूरे आदि पदाधिकारी उपस्थित होते.
यावेळी बोलतांना बाळू टेंभुर्णे म्हणाले की, भाजपाच्या सत्तेत देशवासीय विपरीत परिस्थितीत असून भाजपाची हुकूमशाहीकडे वाटचाल सुरू झालेली आहे व त्याला कॉंग्रेस खतपाणी देण्याचे काम करीत आहे अशा परिस्थितीत वंचित घटकाचा वाली म्हणून एड बाळासाहेब आंबेडकर लोकशाही व संविधान टिकविण्यासाठी झटत असल्याने आपण तरुणांनी पुढे येऊन एड बाळासाहेबांचे हात मजबूत करणे काळाची गरज आहे, पक्षाची ताकद दिवसेंदिवस वाढत आहे, त्यामूळे जिल्ह्यातल्या येणा-या सर्व निवडणूका पूर्ण ताकदिनिशी लढून ईतर प्रस्थापीत पक्षाच्या बरोबरीचे स्थान निर्माण केल्याशिवाय व आंबेडकरी चळवळीतला नंबर एकचा पक्ष बनविल्या शिवाय स्वस्थ बसायचे नाही असा संदेशही त्यांनी यावेळी दिला.
