संदिप सुरडकर नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपूर:- येथून एक खळबळजनक घटना समोर आली आहे. येथे कौटुंबिक वादातून एका पतीने आपल्याच पत्नीवर धारधार कोयत्याने वार करून तिची निर्घृण हत्या केली. त्यानंतर तिचा मृतदेह निलडोह परिसरातील जंगलात फेकून पती पसार झाला. सपना ऊर्फ सोनी वय 30 वर्ष असे हत्या करण्यात आलेल्या महिलेचे नाव आहे. ही घटना बुधवारी दिनांक 2 ऑगस्ट रोजी सायंकाळी समोर आली आहे.
निलडोह परिसरातील कंपन्यांकडे जाणाऱ्या रस्त्यावर एका पती – पत्नीचे जोरदार वाद विवाद सुरु होता. परिसरातील नागरिकांनी हा सोडविण्याचा प्रयत्न करून दोघांना समजावत वादावर फरदा टाकण्यात येत होता. पण काही वेळानंतर पती आत जाऊन कोयता आणला आणि आपल्या पत्नीवर कोयत्याने वार करून हत्या केली. हत्या केल्या नंतर आरोपी पतीने सोनीचा मृतदेह जंगलात नेऊन फेकला आणि पसार झाला.
याची माहिती एमआयडीसी पोलिसांना प्राप्त होताच पोलीस घटनास्थळी दाखल झाले. याप्रकरणी एमआयडीसी पोलिसांनी गुन्हा दाखल केला असून आरोपी पतीचा शोध सुरू केला आहे. मृत महिलेबाबत माहिती काढण्याची प्रक्रिया पोलीस करीत आहेत.
