प्रशांत जगताप, मुख्यसंपादक
महाराष्ट्र संदेश न्युज ! ऑनलाईन अकोला:- राज्यात अनुसुचित जाती जमाती आदिवासीं यांच्यावर मोठ्या प्रमाणात अत्याचाराच्या घटना वाढ झाल्याचे दिसून येते आहे. अशीच एक अकोला जिल्ह्यातून संपूर्ण राज्यात खळबळ उडवून देणारी घटना समोर आली आहे. अकोला जिल्हातील सांगवी मोहाडी या गावामध्ये अनुसूचित जातीच्या बौध्द समाजावर जीवघेणा हल्ला करून अत्याचार करण्यात आला आहे. जातीवादी मानसिकतेच्या गुंडाने या बौध्द समाजाच्या घरामध्ये घुसून कुऱ्हाडीने जीवघेणा हल्ला केलेला आहे. या जीवघेण्या हल्यात पाच बौध्द महिला गंभीररित्या जखमी झाल्या आहे. त्यात एका महिलेच्या डोक्यात 9 टाके पडले असून एका मुलीचा हात फ्रॅकचर झाला आहे. तर एका मुलीची छेड काढून तिच्या विनयभंग केलेला आहे.
महाराष्ट्राला हादरवणारी संतापजनक घटना अकोला जिल्ह्यातील सांगवी मोहाडी या गावामध्ये घडली. या ठिकाणी अनुसूचित जातीच्या बौद्ध समाजावर संवर्ण समाजकंटकांनी घरात घुसून धारदार शस्त्राने हल्ला केला. त्या समाजकंटकांनी जातीवाचक शिवीगाळ करून महिला भगिनींचा विनयभंग करुन कुऱ्हाडीने मारहाण केली. त्या हल्ल्यात या महिला गंभीर जखमी झाल्या आहेत.
समाजकंटांनी या महिलांच्या घरात घुसून पीडित महिला आणि तरुणीवर कुराड, लोखंडी रॉड, व लाथा बुक्यानी जबर मारहाण केली. यामध्ये पाच महिला गंभीर जखमी झाल्या आहेत. त्यांचा विनयभंग करण्यात आला आहे. येवढेच नाही तर एका महिलेच्या डोक्यावर कुऱ्हाडीने जबर वार करण्यात आला आहे. तसेच तीन महिला गंभीररीत्या जखमी असून एकुन पाच महिला रुग्णालयात भरती आहेत. महाराष्ट्र सरकारने व पोलिसांनी जर व या गंभीर घटनेची दखल घेतली नाही व आरोपी समाजकंटकांनावर अनुसूचित जाती जमाती कायद्याअंतर्गत गुन्हा दाखल करून त्यांना अटक केली नाही तर संपूर्ण महाराष्ट्रात तीव्र आंदोलन करण्यात येईल असा इशारा आंबेडकरी चळवळीतील नेते व कार्यकर्ते यांनी दिला आहे.
ही घटना समोर येताच संपूर्ण राज्यातील आंबेडकरी समाजात मोठ्या प्रमाणात संताप दिसून येते आहे. आरोपी विरुद्ध लवकरात लवकर एट्रोसिटी कायद्या अंतर्गत गुन्हे दाखल करून मोकाट समाजकंटकांना त्वरित अटक करावी अशी मागणी आंबेडकरी चळवळीतील नेते व कार्यकर्ते करत आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
