कोरपना तालुका प्रतिनिधी
महाराष्ट्र संदेश न्युज ! ऑनलाईन कोरपना:- तालुक्यातील कवठाळा ते इरई बोरगाव रस्त्याची अत्यंत दुरावस्था झाली आहे. त्यामुळे ग्रामस्थांना खड्डेमय मार्गातून प्रवास करावा लागतो आहे. या रस्त्याची बांधकाम विभागाने त्वरित दुरुस्ती करावी. अन्यथा तीव्र आंदोलन करण्यात येईल असा इशारा इरई (बोरगाव) येथील आम आदमी पक्षाचे कार्यकर्ते निखिल पिदूरकर कवठाळा ग्रामपंचायतच्या सरपंच सौ. रुपाली गजानन बोबडे व परिसरातील ग्रामस्थांनी दिला आहे.
इरई बोरगाव या दोन्ही गावातील ग्रामस्थाना तालुक्याचे मुख्यालय कोरपना जवळील बाजारपेठ गडचांदूर व इतर ठिकाणी जायचे असल्यास हाच एकमेव योग्यरीतीचा प्रमुख मार्ग आहे. मात्र मागील 1 वर्ष्यापासून या रस्त्याची अवस्था खड्ड्यात रस्ता की रस्त्यात खड्डा अशी झाली आहे. यामुळे वाहनधारक व ग्रामस्थांना दुखण्यांचे आजार जडले जात आहे. तसेच या रस्त्यावर झुडपाचे साम्राज्य मोठ्या प्रमाणात वाढल्याने समोरून येणारे वाहन सुद्धा दिसत नाही. परिणामी अपघाताचे प्रमाणही वाढले आहे. यावर आजही कुणीच गांभीर्याने घेत नसल्याने प्रत्येक वेळी दुर्घटनेची वाट पाहायची का असा संतप्त सवाल ग्रामस्थांकडून उपस्थित होत आहे.
