प्रविण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन हिंगणघाट :- अमोल बोरकर मित्र परिवाराच्या वतीने अमोल बोरकर यांच्या वाढदिवस निमित्ताने भव्य मोफत आरोग्य तपासणी शिबीर व आरोग्य कार्ड वाटप शिबीराचे आयोजन स्थानिक हनुमान वॉर्ड, हनुमान मंदिर परिसरात करण्यात आले होते.
या शिबिराचे उद्घाटन राष्ट्रवादी काँग्रेस पक्षाचे प्रदेश सरचिटणीस अतुल वांदिले यांच्या हस्ते करण्यात आले. यावेळी प्रमुख उपस्थिती शिव पंचायत हनुमान मंदिर कमेटी चे अध्यक्ष विष्णुजी तेलहांडे पंत व वार्डातील जेष्ठ मान्यवर प्रामुख्याने उपस्थिती होते.
या शिबिरात हृदयरोग तज्ञ, जनरल सर्जरी विभाग, अस्थिरोग विभाग, नेत्ररोग तपासणी, दंत तपासणी, बालरोग तपासणी , जॉईंट रिप्लेसमेंट, कॅन्सर तपासणी, बिपी तपासणी, शुगर तपासणी, ई.सी.जी. तपासणी एम.डी. मेडिसिन, जनरल फिजिशियन , मेडिसिन विभाग, रक्त तपासणी, रक्तदान शिबिर, जीवनदायी आरोग्य विकास फाउंडेशन तर्फे नाममात्र रुपयांमध्ये स्वास्थ कार्ड वितरण शिबिराचे आयोजन करण्यात आले. जेनेकरून दैनंदिन जीवनातील आरोग्य योजनांची एकत्रित माहिती रुपये पाच हजार ते दोन लाखापर्यंत बचत होईल. आरोग्याशी निगडित सेवा व आरोग्य चाचण्या व इतर उपचार यावर ५० टक्के पर्यँरची सूट देण्यात येते.हे आरोग्य कार्ड एका परिवारातील सहा सदस्यांसाठी मात्र १२० रुपये शुल्क असून पाच वर्षा साठी मान्य राहील.आरोग्य सेवांवर १० ते ५० टक्के पर्यँरची सूट औषधीवर राहणार असून हि योजना गरीब, वंचित ग्रामीण परिवारासाठी आहे.या आरोग्य कारचे वाटप शिबिरामध्ये करण्यात आले.
या शिबिरामध्ये नागपूर येथील आरोग्य संबंधित चिकित्सा नामवंत डॉक्टराचा मदतीने करण्यात आल्या. आचार्य विनोबा भावे ग्रामीण रुग्णालय सावंगी मेघे, उपजिल्हा रुग्णालय हिंगणघाट, जीवनदायिनी आरोग्य विकास फाउंडेशन यांनी सेवा दिली. या शिबिराच्या शहरातील १५०० नागरिकांनी लाभ घेतला. अनेक नागरिकांनी आरोग्य स्वास्थ कार्ड काढले.
यावेळी शहरातील नागरिकांनी मोठ्या प्रमाणात भव्य आरोग्य शिबिराला प्रतिसाद देत शिबिराचा लाभ घेतला. या शिबिरात अनेक आरोग्य विषयी सुविधा नागरिकांना मिळाले आहे. यावेळी नागरिकांनी आपल्या आरोग्य विषयी समस्या तपासणी करत समाधान व्यक्त केले. या शिबिरात शहरातील नागरिकांचा प्रचंड असा प्रतिसाद दिसला.
समाजसेवक अमोल बोरकर यांनी आपला वाढदिवस साजरा न करता आपल्या शहरातील नागरिकांचे आरोग्य सुदृढ राहावे यासाठी त्यांनी आरोग्य शिबिराचे आयोजन केले असल्याचे सांगितले. या शिबिराला यशस्वी करण्यासाठी अमोल बोरकर मित्र परिवाराने मोठ्या प्रमाणात सहकार्य केले..
