संतोष मेश्राम, राजुरा तालुका प्रतिनिधी
महाराष्ट्र संदेश न्युज ! ऑनलाईन राजुरा:- येथील कुणाल देवीसिंह बघेल यांनी सीए च्या पात्रता परीक्षेत घवघवीत यश प्राप्त केले असून चार्टर्ड अकाउंटंट अभ्यासक्रमासाठी तो पात्र ठरलेला आहे. या यशाबद्दल त्याचे सर्वत्र अभिनंदन होत आहे. घरची परिस्थिती अतिशय बेताची असताना त्यांनी मिळवलेले यश हे विद्यार्थ्यांसाठी प्रेरणादायी आहे. अतिशय गरिबीतून शिक्षण घेत त्याने आपले शिक्षण पूर्ण केले.
कुणाल बघेल यांनी इयत्ता दहावीपर्यंतचे शिक्षण इन्फट जीसस पब्लिक स्कूल पब्लिक स्कूल राजुरा येथून घेतले. इयत्ता दहावी उत्कृष्ट गुणांनी परीक्षा उत्तीर्ण केली. त्यानंतर धनवटे नॅशनल कॉलेज इथून उच्च माध्यमिक शालांत प्रमाणपत्र परीक्षा उत्तीर्ण केली आणि नागपूर येथील डॉक्टर आंबेडकर इन्स्टिट्यूट ऑफ मॅनेजमेंट स्टडीज अँड रिसर्च इथून त्याने बीकॉम ची पदवी उत्कृष्ट गुणांनी प्राप्त केली. त्यानंतर पुढील शिक्षणासाठी सी ए अभ्यासक्रमासाठी होणाऱ्या पात्रता परीक्षेची तयारी केली. या पात्रता परीक्षा त्यांनी घवघवीत यश प्राप्त केलेले आहे यामुळे राजुरा शहराचे नाव उंचावले आहे. या यशाबद्दल इन्फंट जीसस सोसायटी चे सचिव, माजी नगराध्यक्ष अरुण धोटे यांनी अभिनंदन केले आहे.