✒️मंगेश जगताप, मुंबई प्रतिनिधी
मुंबई:- येथील जोगेश्वरी रेल्वे स्टेशन परिसरातून एक संतापजनक घटना समोर आली आहे. मुंबई लोकल ट्रेनमधून प्लॅटफॉर्मवर एक महिला प्रवासी उतरत असताना नराधम आरोपीने महिलांचा रेल्वे स्टेशन प्लॅटफॉर्मवर विनयभंग करुन तो प्रसार झाला. ही संतापजनक घटना जोगेश्वरी हार्बर रेल्वे स्थानकावर घडली आहे. महिला प्रवाशाचा विनयभंग करणाऱ्या आरोपीविरुद्ध रेल्वे पोलिसात तक्रार दाखल करण्यात आली असून बोरिवली रेल्वे पोलीस आरोपीचा शोध घेत आहेत. विनयभंगाची ही घटना रेल्वे स्थानकातील सीसीटीव्हीत कैद झाली आहे.
प्राप्त माहितीनुसार, 21 सप्टेंबर 2022 ला सकाळच्या 10 वाजताच्या सुमारास जोगेश्वरी रेल्वे स्थानकाच्या हर्बल मार्गावर एक महिला प्रवासी ट्रेनमधून खाली उतरत होती. यावेळी एका इसमाने महिलेचा विनयभंग केला. त्यानंतर तो तिथून पळून गेला.
ही संतापजनक घटना समोर आल्यानंतर पोलिसांनी तडकाफडकी पाऊल उचलेले आणि आरोपीच्या शोध घेण्यासाठी बोरिवली रेल्वे पोलिसानी चार वेगवेगळ्या टीम तयार करत विनयभंग करणाऱ्या आरोपींविरुद्ध एफआयआर नोंदवून आरोपींचा शोध घेत आहेत.
