अनिल कडू हिंगणघाट विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- समुद्रपूर तालुक्यातील सावंगी (झाडे) येथून एक खळबळजनक घटना समोर आली आहे. येथील पोलीस पाटील संघटनेचे तालुका अध्यक्ष समीर रामकृष्ण धोटे वय 44 वर्ष यांनी आपल्या राहत्या घरी आत्महत्या केल्याची घटना आज सकाळी उघडकीस आली.
मृतक समीर रामकृष्ण धोटे त्याची पत्नी ही मुलाच्या शिक्षणासाठी हिंगणघाट येथे त्यांच्या सोबत राहत असताना काल दि 29 ला रात्री खोलीत झोपायला गेला आणि सिलिंग पंख्याला फासी लावून आत्महत्या केल्याची घटना घटली. सकाळी आई वडील त्याला उठवायला गेले असते हा प्रकार उघडकीस आला.
मृतक समीर यांच्या नावाने 3 एकर शेती असून बँक ऑफ महाराष्ट्र चे जवळपास तीन लाख रुपये कर्ज त्याच्यावर होते. बँकेचे कर्मचारी सतत त्याला त्रास देत असल्याने व दोन वर्ष पासून उत्पन्न नाही झाल्याने तसेच मालाला भाव नसल्याने त्यांनी हा मोठा पाउल उचलला. त्याच्या मागे पत्नी, दोन मुले, आई-वडील असा मोठा आप्तपरिवार आहे.
समीर धोटे च्या आत्महत्याने सर्व पोलीस पाटील व तसेच मित्रपरिवार मध्ये शोकाकुल वातावरण निर्माण झाले. या घटनेचा पुढील तपास ठाणेदार संतोष शेगावकर यांच्या मार्गदर्शनात पोलिस करीत आहे.
