कोलबास्वामींचे ५० हजार भाविकांनी घेतले दर्शन, विदर्भाची पंढरी धापेवाडा येथे भाविकांची मांदियाळी
युवराज मेश्राम, प्रधान संपादक
महाराष्ट्र संदेश न्यूज ! ऑनलाईन धापेवाडा:- विदर्भाची प्रती पंढरपूर म्हणून प्रसिध्द असलेल्या श्रीक्षेञ धापेवाडा येथे वसंत पंचमी महोत्सवाच्या पहिल्या दिवशी भाविकांनी गर्दी केली.रविवार ता. 2 फरवारी रोजी सकाळी श्री कोलबास्वामी मठाचे मठाधिपती श्रीहरी महाराज वेळेकर यांच्या हस्ते कोलबास्वामी महाराजांची महापूजा संपन्न झाली. त्यानंतर भाविकांसाठी मठाची दारे उघडण्यात आली.
आज पहिल्या दिवशी या उत्सवात महाप्रसादा साठी जवळपास 50 हजारच्यावर भाविकांनी हजेरी लावली. यावेळी भजनासह रात्री किर्तनाचे आयोजण करण्यात आले. भाविकांच्या सोईसाठी आरोग्य व्यवस्था व प्रचंड पोलीस बंदोबस्त ठेवण्यात आला होता. तसेच सावनेर, कळमेश्वर, नागपूर व गोळीबार चौक येथून यात्रा स्पेशल बसेसची व्यवस्था करण्यात आली. संत श्री कोलबास्वामी महाराजांना दर्शन देण्यासाठी पंढरपूरहुन स्वयं विठुराया धापेवाडा येथे अवतरले आणि धापेवाडा हे विदर्भाचे प्रति पंढरपूर नावाने प्रसिध्द झाले. संत श्री कोलबास्वामी महाराज यांचे गुरु श्री धर्मषेटी रंगारी बाबा महाराज यांच्या पुण्यतिथीनिमित्त श्री कोलबास्वामी महाराजांनी 334 वर्षापूर्वी ई.सन 1690 मध्ये या वसंत पंचमी उत्सवाला सुरुवात केली. तेव्हापासून ते आतापर्यंत सलग दरवर्षी अखंडपणे वसंत पंचमीचा हा उत्सव येथे सुरु आहे.
महाप्रसादासाठी भाविकांची गर्दी: वसंत पंचमी यात्रेत महाप्रसादाला विशेष महत्त्व असून दरवर्षी मोठ्या प्रमाणात भाविक येथे महाप्रसादासाठी विदर्भाच्या कानाकोपऱ्यातून भक्तगण दर्शनासाठी व महाप्रसाद ग्रहण करण्यासाठी येथे येतात. महाप्रसादाच्या वितरणासाठी स्थानिक कोलबास्वामी विद्यालयातील विद्यार्थी व शिक्षक येथे सेवाकार्य करतात. तसेच यात्रेच्या यशस्वीते साठी श्रीकोलबास्वामी सेवा ट्रस्ट, राधा कृष्ण मंदिर तसेच सेवाकरी लक्ष्मण उमरेडकर, मनोहर पौवनीकर, जागेश्वर धकाते, यादव पराते, रूपराव कुंभारे, तुकाराम सुभेदार, रामराव धकाते, अश्विन वेळेकर, रवी निमजे, नितीन शेटे, अमित केदार, रोहित हेडाऊ, पंकज निमजे, विनोद निमजे, मनीष बरवड, विक्की शेटे, धिरज धार्मिक, आदित्य लोखंडे, योगेश शेटे, सागर वेळेकर, अक्षय वेळेकर, अश्विन कंडे, प्रथमेश निमजे, हर्ष पराते, जय वेळेकर, रामकृष्णा शेटे, जितेंद्र वेळेकर आदींनी अथक परिश्रम घेतले.
