प्रविण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन वर्धा:- अंबिका सोशल फाउंडेशन च्या अध्यक्ष अंबिका हिंगमीरे यांनी राज्याचे अन्न व औषध प्रशासन मंत्री नरहरी झिरवाळ यांची मंत्रालयात भेट घेऊन वर्धा जिल्ह्यातील कामगार आणि महिलांच्या समस्यांसंदर्भात त्यांच्या सोबत चर्चा केली.
अंबिका सोशल फाउंडेशनच्या अध्यक्ष अंबिका हिंगमीरे यांनी राज्याचे अन्न व औषध प्रशासन मंत्री नरहरी झिरवाळ यांच्याशी महीलांच्या सुरक्षे संदर्भात तसेच महिलांच्या विविध योजनांसंदर्भात चर्चा केल्यानंतर त्यांनी लगेच अंबिका हिंगमीरे यांच्या निवेदनाची दखल घेत सर्व समस्या मार्गी लावण्याचे आश्वासन दिले. तसेच अंबिका सोशल फाउंडेशनच्या अध्यक्ष अंबिका हिंगमीरे याच्या कार्याबाबत औत्सुक्याने विचारणा करत ही सामाजिक चळवळ अशीच सुरू राहू दे म्हणत पाठीवर कौतुकाची थाप देखील दिली. यावेळी अंबिका सोशल फाउंडेशनच्या सहकारी कांचन सुखदेवें देखील उपस्थित होत्या.
