मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- विश्व हिंदू परिषद व बजरंग दल हिंगणघाट यांच्या वतीने बांगलादेशमध्ये हिंदू धर्मियावर होत असलेल्या अत्याचारांच्या विरोधात कारंजा चौक येथे तीव्र निषेध आंदोलन करण्यात आले. या आंदोलनात बांगलादेश सरकारच्या हिंदूविरोधी धोरणांचा निषेध व्यक्त करत बांगलादेशच्या पंतप्रधानांच्या फोटोला चपलांचा हार घालण्यात आला तसेच बांगलादेशाचा झेंडा जाळून संतप्त भावना व्यक्त करण्यात आल्या. बांगलादेशमध्ये अल्पसंख्याक हिंदूंवर होत असलेले हल्ले, जबरदस्तीचे धर्मांतर, मालमत्तेची तोडफोड व जीवितहानी तात्काळ थांबवावी, अशी ठाम मागणी आंदोलकांनी केली.
भारत सरकारने व आंतरराष्ट्रीय मानवाधिकार संस्थांनी या गंभीर प्रकरणाची दखल घेऊन बांगलादेश सरकारवर कठोर कारवाईसाठी दबाव आणावा, अशी मागणी यावेळी करण्यात आली. आंदोलनावेळी जोरदार घोषणाबाजी करण्यात आली. या आंदोलनात राष्ट्रीय स्वयंसेवक संघांचे जिल्हा संघचालक जेठानंद राजपूत, प्रमोद हंबर्डे, शिवप्रतिष्ठान हिंदुस्थानचे राजा महाराज शेंडे, भाजपाचे सुभाष कुंटेवार, विश्व हिंदू परिषद वर्धा जिल्हा सहमंत्री शरद कोणप्रतिवार, जिल्हा धर्मप्रसार प्रमुख अजय भोंग, जिल्हा सहसेवा प्रमुख ओमप्रकाश मस्कर, हिंगणघाट प्रखंड विहिप अध्यक्ष सुरेंद्र आगरे, हिंगणघाट शहर विहिप अध्यक्ष गजानन मसाये, वर्धा जिल्हा बजरंग दल सुरक्षा प्रमुख प्रशांत तिवारी, श्याम इडपवार, हिंगणघाट प्रखंड विहिप मंत्री देवा वाघमारे, सहमंत्री अतुल सुर, हिंगणघाट नगरमंत्री राम पोतदार, सहमंत्री रोशन चंदनखेडे, संदीप मोटवानी, हिंगणघाट नगर बजरंग दल संयोजक संदीप नासरे, सागर चांगलानी, भाजपाचे पंकज देशपांडे, दिनेश वर्मा, गौरव तांबोळी, अमोल त्रिपाठी, संतोष बघेल, रवी खंडाळकर, महेंद्र खासरे, सुरेश बुराडकर, मारोती सहारे, रवी नौकरकर, धर्मा जोशी, सुरज वरठी, हिंगणघाट प्रखंड सहसयोजक आदर्श सुपारे, हर्षल लाखे, जय आष्टणकर, राम नक्के, त्रिवेदी, खुशाल कुटे आणि असंख्य विहिप, बजरंग दल, भाजप, हिंदुत्ववादी नागरिक या वेळी उपस्थित होते. या वेळी कारंजा चौक वंदे मातरमच्या घोषनानी दनानून गेला. या वेळी पोलीसांचा तगडा बंदोबस्त सुद्धा मोठ्या प्रमाणात होता.
