इंदापूर प्रतिनिधी गणेश धनवडे
महाराष्ट्र संदेश न्युज ! ऑनलाईन इंदापूर:- तालुक्यातील सराफवाडी येथे प्रभू श्रीराम नवमी यात्रेनिमित्त गावात भक्तिमय वातावरण निर्माण झाले होते. रामनवमी म्हणजेच प्रभू श्रीराम यांचा जन्मदिवस हा दिवस अधर्मावर धर्माच्या विजयाचे प्रतीक आहे. त्यामुळे सराफवाडी येथे रामनवमीच्या दिवशी अनेक ठिकाणी शोभायात्रा आणि भजन-कीर्तन महाप्रसादाचे आयोजन करण्यात आले होते.
यावेळी प्रभू श्रीराम यांच्या श्रीराम नवमी यात्रेदरम्यान पोलिस उपनिरीक्षक रतिलाल चौधर यांनी उपस्थित राहून यात्रेच्या सुरक्षेचा आढावा घेतला. यावेळी त्यांनी यात्रेत कोणताही अनुचित प्रकार घडू नये यासाठी पोलिस बंदोबस्त चोख ठेवण्याच्या सूचना दिल्या. तसेच ग्रामस्थ व भाविकांनी शांतता आणि शिस्त राखून यात्रेत सहभागी व्हावे, असे आवाहनही त्यांनी केले.
यावेळी मोठ्या प्रमाणात पोलिस बंदोबस्त व गावातील ग्रामसुरक्षा दल उपस्थित होते. पोलिस उपनिरीक्षक रतिलाल चौधर यांच्या उपस्थितीमुळे ग्रामस्थांमध्ये सुरक्षिततेची भावना निर्माण झाली असून यात्रा शांततेत आणि उत्साहात पार पडली.
