✒️युवराज मेश्राम विदर्भ ब्यूरो चीफ
नागपूर:- राष्ट्रवादी काँग्रेस पक्षाचा नेत्या खासदार सुप्रिया सुळे यांचा वर महाराष्ट्र राज्याचे कृषी मंत्री अब्दुल सत्तार यांनी केलेल्या वादग्रस्त विधानानंतर राज्यातील राजकारण मोठ्या प्रमाणात तापल आहे. त्यांच्या विरोधात ठीक ठिकाणी आंदोलने करण्यात येत आहे. नागपुरात काल आंदोलन करण्यात आली. त्यावेळी मुख्यमंत्र्यांनी राज्याचे कृषिमंत्री अब्दुल सत्तार यांचा राजीनामा घ्यावा, त्याशिवाय त्यांना नागपूर शहरात पाय ठेऊ दिला जाणार नाही, असा इशारा सोमवारी राष्ट्रवादी काँग्रेसच्या पदाधिकाऱ्यांनी दिला.
काय आहे प्रकरण..
राष्ट्रवादीच्या नेत्या खासदार सुप्रिया सुळे यांच्या उद्देशून सत्तारांनी वादग्रस्त विधान केले. त्यामुळे राष्ट्रवादीमध्ये संतापाची लाट निर्माण झाली आहे. त्यांच्या वक्तव्याच्या निषेधार्थ जागोजागी आंदोलन करण्यात आले. नागपूरच्या पदाधिकाऱ्यांनीसुद्धा त्यांच्या वक्तव्याच्या निषेध नोंदविला. राष्ट्रवादीचे शहराध्यक्ष दुनेश्वर पेठे, ओबीसी सेलचे प्रदेशाध्यक्ष ईश्वर बाळबुधे, महिला आयोगाच्या सदस्या आभा पांडे, जिल्हा परिषद सदस्य सलिल देशमुख, प्रशांत पवार यांच्या नेतृत्वात निषेध आंदोलन करण्यात आले.
सत्तारांना नागपुरात पाय ठेऊ देणार नाही
शिवसेनेसोबत गद्दारी करून अब्दुल सत्तार शिंदे सेना-भाजप सरकारमध्ये सहभागी झाले. सत्तेच्या धुंदीत त्यांना आपण काय बोलतो याचे भान राहिले नाही. एखाद्या महिलेबाबत बोलताना सार्वाजनिक ठिकाणी पाळले जाणारे संकेतही त्यांना पाळले नाही. सुप्रिया सुळे यांच्यासोबत त्यांनी जिजाऊ, अहल्यादेवी, सावित्रीबाईच्या महाराष्ट्रातील महिलांचा अपमान केला आहे. त्यामुळे त्यांनी स्वतः राजीनामा द्यावा किंवा सरकारने त्यांना घरी पाठवावे, असे सांगून राष्ट्रवादीच्या स्थानिक पदाधिकाऱ्यांनी त्याशिवाय त्यांना नागपूर शहरात पाय ठेऊ देणार नाही असा इशारा दिला.
आंदोलनात डॉ. जानबा मस्के, जावेद हबीब, रमण ठवकर, वर्षा शामकुळे, नूतन रेवतकर, लक्ष्मी सावरकर, अब्दुल फारुकी, शैलेंद्र तिवारी, अरविंद भाजीपाले, रवी पराते, महेंद्र भांगे, प्रशांत बनकर, राजेश पाटील, राजा बेग, आशुतोष बेलेकर, पिंकी शर्मा, राकेश बोरीकर, अमोल पारपल्लीवार, देवेंद्र घरडे, सुनील लांजेवार, अनिल बोकडे, कपिल आवारीसह शेकडो कार्यकर्ते सहभागी होते.
