मानवेल शेळके, नाशिक जिल्हा प्रतिनिधी
नाशिक:- नाशिक येथून संपूर्ण राज्यात खळबळ माजवणारी घटना समोर आली आहे. म्हसरूळ परिसरात ज्ञानदीप आश्रम शाळेमध्ये झालेल्या बलात्काराच्या घटनेनंतर आता यात आणखी धक्कादायक गोष्टी समोर आलीय. एका मुलीबरोबर बलात्कार झाल्याची घटना उघड झाल्यानंतर यामध्ये आणखी पाच जणींवर बलात्कार झाल्याचा संतापजनक प्रकार उघडकीस आलेला आहे.
याशिवाय सटाणा येथील राहत्या घरीही असलेल्या एकामुलींवर अत्याचार केल्याची बाब समोर आली असून लैंगिग अत्याचार केल्याच्या एकूण मुलींची संख्या सहा झाली असून 10 वर्षांपासून शोषण सुरू असल्याचे समोर आले आहे. विशेष म्हणजे आश्रमातून काढून टाकील ही बाब समोर आलेली असतांना आता आणखी धक्कादायक बाबी समोर आल्या आहे. या ठिकाणी असणाऱ्या मुलींचे अंघोळ करतानाचे अश्लील व्हिडिओ रेकॉर्ड करत या मुलींना धमकवण्यात येत होतं आणि त्यांच्यावर वारंवार अत्याचार केला गेला असं आता पोलीस तपासात उघड झाले आहे. त्यामुळे या घटनेचं गांभीर्य आता वाढत चालले आहे. या मुलींसोबतच आणखी इतर कुठल्या मुलींवर संबंधित हर्षल मोरे या नराधमाने अत्याचार केले आहेत का ? याबाबत पोलिसांकडून कसून तपास केला जात आहे.
नाशिकच्या म्हसरूळ पोलीस ठाण्यात आतापर्यन्त पाच गुन्हे दाखल करण्यात आले असून संशयित आरोपी हर्षल मोरे याला पोलीसांनी अटक केली असून बुधवार पर्यन्त त्याला पोलीस कोठडी आहे.
नाशिकमधील हा सर्व प्रकार खळबळ उडवून देणारा असून आधार आश्रमात घडलेल्या या प्रकरणावरून संताप व्यक्त केला जात आहे. आरोपीला फाशी द्या अशी मागणी देखील केली जात आहे.
द किंग फाउंडेशन संचलित ज्ञानदिप आधार आश्रमातून समोर आलेला धक्कादायक प्रकार संतापजनक असून दहा वर्षापासून ज्या-ज्या मुली येथे राहत होत्या त्यांच्याशी संपर्क साधून चौकशी केली जाणार आहे. संशयित आरोपी हर्षल मोरे यांची सासू देखील याच आश्रमात मुलींचा सांभाळ करण्यासाठी होती, तर पत्नी ही मालेगाव येथे राहत असल्याची माहिती पोलीसांच्या तपासात समोर आली आहे. तर आश्रमाची इमारतीचा मालक मुंबईत राहत आहे.
पोलीसांनी या सर्वांना जबाब नोंदविण्यासाठी बोलावले असून अधिकचा तपास केला जाणार आहे, नाशिक शहरात घडलेल्या या प्रकरणाने संपूर्ण राज्यात खळबळ उडाली असून फाशीची कारवाई व्हावी अशी मागणी देखील होऊ लागली आहे.
