सौ. हानिशा दुधे, बल्लारपूर तालुका प्रतिनिधी
चंद्रपूर:- येथून एक खळबळजनक घटना समोर आली आहे. एका मोठ्या पदावर असलेल्या शासकीय अधिकारी याला महिलांच्या ‘हनी ट्रॅप’ मध्ये अडकविल्याची माहिती समोर आली आहे. आज पैसे कमविण्यासाठी महिला आणि पुरुष कोणत्याही स्तराला जाऊ शकते हे यावरून परत सिद्ध झाले आहे.
चंद्रपूर येथील एका उच्चपदस्थ अधिकाऱ्याला फसवून घरी बोलावले त्यानंतर बेडरूममध्ये एक छुप्या कॅमेरा लावण्यात आला. मग महिलेसोबत छुप्या कॅमेऱ्याने खाजगी क्षणाची चित्रफित तयार करून उच्चपदस्थ अधिकाऱ्याकडून तीन लाख रुपयाची खंडणी वसूल केली. पण पण आरोपी महिला आणि पुरुषाचं यावरच भागल नाही. पैसीची हाव सुटली आणि त्यांचं बिंग फुटलं.
तीन लाख घेतल्यानंतर ही, पुन्हा पैशाची लालसा जागृत झाल्याने आरोपीने या अधिकाऱ्याकडे 50 लाखांची खंडणी मागितली. ही रक्कम आवाक्याच्या बाहेर असल्याने आणि सतत बॅकमेलिंग सुरू असल्याने संबंधित अधिकाऱ्याने पोलिसांची मदत घेतली. स्थानिक गुन्हे शाखेने सापळा रचून अधिकाऱ्याला हनी ट्रॅपमध्ये अडकविणाऱ्या टोळीलाच बुधवारी जाळ्यात अडकविले.
या प्रकरणी चंद्रपूर शहर पाेलिस ठाण्यात तीन महिलांसह पाच जणांविरुद्ध विविध कलमान्वये गुन्हा दाखल केला असून दोघांना अटक केली आहे. सादीक खान रसिक खान पठाण वय 35 वर्ष, रा. दुर्गापूर व झिबल भारसाखरे वय 60 वर्ष, रा. चंद्रपूर अशी अटक करण्यात आलेल्या आराेपींची नावे आहे.
चंद्रपुरातील एका उच्चपदस्थ अधिकाऱ्याला काही महिन्यांपूर्वी झिबल भारसाखरे याने त्याच्या दुसऱ्या पत्नीच्या फ्लॅटवर बोलविले होते. दरम्यान, अन्य महिलांसोबत संबंधित अधिकाऱ्याची बेडरूममध्ये छुपा कॅमेरा लावून चित्रफित तयार केली. अशा पद्धतीने अधिकारी ‘हनी ट्रॅप’मध्ये अडकला. ही चित्रफित त्या उच्चपदस्थ अधिकाऱ्याला पाठवून ती व्हायरल करण्याची धमकी देत तीन लाख रुपये उकळले. झिबलच्या पत्नीने ही चित्रफित सादिक खान याला पाठवून त्या अधिकाऱ्याला खंडणी मागण्याचे सांगितले. सादीकने नवा सीम खरेदी करून चित्रफितीचा स्क्रीनशाॅट पाठविला. त्यानंतर त्याने थेट त्या अधिकाऱ्याला कार्यालयात गाठून चक्क 50 लाखांची खंडणी मागितली.
एवढी मोठी रक्कम आणायची कोठून या विवंचनेत त्याने थेट पोलिस अधीक्षक रवींद्रसिंग परदेशी यांच्याकडे धाव घेतली. पोलिस अधीक्षकांनी सदर प्रकरण स्थानिक गुन्हे शाखेचे पोलिस निरीक्षक बाळासाहेब खाडे यांच्याकडे चौकशीसाठी पाठविले. स्थानिक गुन्हे शाखेच्या पथकाने सापळा रचून मंगळवारी 30 हजार रुपये रोख व पाच लाख रुपयांचा धनादेश घेताना सादीकला खानला रंगेहात अटक करण्यात यश मिळविल्याने हनी ट्रॅपचा हा धक्कादायक प्रकार पुढे आला.
किती जणांचा झाला हनी ट्रॅप?
या टोळीने अशाप्रकारे आता किती जणांना हनी ट्रॅपमध्ये अडकविले, याचा तपास पोलिस घेणार असल्याचे समजते. मात्र, अनेकजण भीतीपोटी तक्रार देण्यास कचरत असल्याची माहिती पोलिस सूत्राने दिली. मात्र, फसवणुकीसाठी स्वत:ला वाचविण्याकरिता पोलिसांकडे धाव घ्यावी, असे आवाहन पोलिस अधीक्षक रवींद्रसिंग परदेशी यांनी केले आहे.
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
