झापा बार अॅण्ड ग्रील हॉटेल व हायलॅन्ड हॉटेल कल्याणी नगर, येरवडा पुणे यांचेवर सामाजिक सुरक्षा विभाग गुन्हे शाखे कडून कारवाई साऊंड सिस्टीम, डिजे मिक्सर जप्त.

पंकेश जाधव पुणे ब्यूरो चीफ

सामाजिक सुरक्षा विभाग गुन्हे शाखा पुणे शहर

पुणे :- दि.२८.१२.२०२२ रोजी कल्याणी नगर येरवडा परीसरात मोठ्या आवाजात साऊंड सिस्टिंग सुरू असलेबाबत सामाजिक सुरक्षा विभाग गुन्हे शाखेकडील अधिकारी व पोलीस अमलदार यांना माहिती मिळाली.

त्यांनतर सदर ठिकाणी खात्री केली असता झापा बार अॅण्ड ग्रील हॉटेल व हायलॅन्ड हॉटेल कल्याणी नगर, येरवडा पुणे या हॉटेल मध्ये मोतया आवाजात संगित सुरू असल्याचे आढळल्याने सदर हॉटेलवर कारवाई करून २,७५,०००/- रू. चे (दोन लाख पंच्याहत्तर हजार ) किंमतीचे सांउड सिस्टिम जप्त करण्यात आले असुन पर्यावरण संरक्षण कायदा १९८६ अंतर्गत ध्वनी प्रदुषण (विनियमन व नियंत्रण) अधिनियम २००० चा नियम ५ चा भंग केलेबद्दल कारवाई करण्यात आली असुन जप्त मुद्देमाल (साऊंड सिस्टीम) येरवडा पोलीस स्टेशनच्या ताब्यात देण्यात आला आहे.

सदरची कारवाई मा. पोलीस आयुक्त, पुणे शहर, श्री. रितेश कुमार मा. पोलीस सह आयुक्त, पुणे शहर श्री. संदिप कर्णिक, मा. अपर पोलीस आयुक्त गुन्हे, पुणे (अति. कार्यभार) श्री. श्रीनिवास घाडगे, मा.पोलीस उप आयुक्त गुन्हे, श्री. अमोल झेंडे यांचे आदेश व मार्गदर्शनाखाली सामाजिक सुरक्षा विभागाचे वरिष्ठ पोलीस निरीक्षक विजय कुंभार तसेच सपोनि अश्विनी पाटील, सपोनि अनिकेत पोटे, पोलीस अंमलदार आण्णा माने मनिषा पुकाळे, तुषार भिवरकर, इग्रान नदाफ, पुष्पेंद्र चव्हाण या पथकाने यशस्वी केली आहे.