मानवेल शेळके, नाशिक जिल्हा प्रतिनिधी
महाराष्ट्र संदेश न्यूज ! ऑनलाईन नाशिक:- उद्या ३१ डिसेंबर आणि परवा १ जानेवारी आहे. त्यामुळे नाशिक शहराबाहेर जर तुम्ही थर्टी फर्स्ट आणि न्यू इअर सेलिब्रेशन करण्याचा विचार करीत असाल तर आधी ही बातमी नक्की जरूर वाचा.
नाशिक ग्रामीण पोलिसांनी या सेलिब्रेशनच्या निमित्ताने खास नियोजन केले आहे.
नाशिक शहराबाहेरील आणि खासकरुन गंगापूर व अन्य धरणांच्या परिसरात न्यू इअर सेलिब्रेशन करण्याचे नियोजन केले जाते. गेल्या काही वर्षांच्या ट्रेण्ड तेच सांगतो. शिवाय नाशिक शहरा बाहेरील हॉटेल आणि रेस्टॉरंटमध्येही त्यामुळेच गर्दी पहायला मिळते. मात्र, नाशिक ग्रामीण पोलिसांनी आता ठिकठिकाणी नाकेबंदी करण्याचे निश्चित नियोजन केले आहे. जिल्हा पोलिस अधिक्षक शहाजी उमाप यांनी यांदर्भातील माहिती दिली आहे.
पोलिस अधिक्षक उमाप म्हणाले की, ३१ डिसेंबर आणि १ जानेवारी या दोन्ही दिवशी कडक पोलिस बंदोबस्त असणार आहे. जिल्ह्यात शुक्रवारी ३० डिसेंबर आणि शनिवारी ३१ डिसेंबर कडक नाकाबंदी केली जाणार आहे. नववर्षानिमित्त देशभरातील पर्यटक व भाविक देवदर्शनासह पर्यटनासाठी येतात. शिवाय, नाशिक शहरातील नागरिक नाशिक जिल्ह्यातील फार्म हाऊससह विविध हॉटेल्समध्ये सेलिब्रेशनसाठी जातात. कोरोनाचे निर्बंध शिथील झाल्याने दोन वषार्नंतर नववर्षाच्या स्वागतासाठी नाशिककरांनी प्लॅन्स आखले आहेत. जिल्ह्यातील अनेक हॉटेल्स, रिसॉर्टची बुकिंग झाली आहे. या ठिकाणी गैरप्रकार घडू नये, यासाठी नाशिक ग्रामीण पोलीस सतर्क झाले आहेत. जिल्ह्यात ४० पोलीस ठाणेनिहाय नाकाबंदीचे नियोजन करण्यात आले आहे.
अपघात टाळण्यासाठी मद्यपान करून कुणीही वाहन चालवू नये असे पोलिसांच्या वतीने आवाहन करण्यात आले असून या काळात नाकाबंदीद्वारे मद्यपींची ब्रेथ अनालायझरच्या माध्यमातून तपासणी केली जाणार आहे. तसेच भरधाव वाहनांवरही स्पीड गनमार्फत कारवाई केली जाणार आहे. जिल्हाभरात पोलिस पथके तैनात करण्यात आली आहेत. जिह्यातील ४० पोलिस ठाणे अंतर्गत बंदोबस्ताचे नियाजोन करण्यात आले असून कुठेही गैरप्रकार घडू नयेत यासाठी पोलिस दल सज्ज झाले आहे. रात्री आठ वाजेपासून प्रत्येक पोलीस ठाण्यांच्या हद्दीत नाकाबंदी करुन तपासणी केली जाणार आहे. मद्यप्राशन करुन वाहने चालवने?यांसह टवाळखोर व हुल्लडबाजी करणाऱ्यायाचावरती कायदेशीर कारवाई करण्यात येणार आहेत. याबरोबरच जिल्ह्यातील सर्व आस्थापना, मॉल्स, दुकाने, उपहारगृहांना वेळेचे पालन करण्याच्या सुचना देण्यात आल्याची माहिती उमाप यांनी दिली आहे.
