देवेंद्र सिरसाट, हिंगणा तालुका प्रतिनिधी
नागपूर(ता.६):- जेष्ठ समाज सेवक तथा वरिष्ठ पत्रकार लिलाधर दाभे यांची राष्ट्रवादी कांग्रेस पार्टीच्या नागपूर जिल्हा उपाध्यक्षपदी नुकतीच नियुक्ती करण्यात आली.
दाभे यांना नियुक्ती पत्र माजी मंत्री रमेशचंद्र बंग व राकाॅपा अल्पसंख्यक सेलचे राष्ट्रीय अध्यक्ष शब्बीर विद्रोही यांच्या हस्ते हिंगणा येथे कार्यकर्ता मेळावयात देण्यात आले.
या वेळी राकापा जिल्हा कार्याध्यक्ष राजूभाई राऊत, राकांपा सामाजिक न्याय विभाग जिल्हा अध्यक्ष संतोष नरवाडे, जि प सदस्य दिनेश बंग, जि प सदस्य रश्मीताई कोटगुले, वृंदाताई नागपूरे, हिंगणा कृउबास सभापती बबनराव अव्हाले, अल्पसंख्यक सेलचे जिल्हा अध्यक्ष अमजद शेख, हिंगणा प. स. उपसभापती सुषमा कावळे, नागपूर प.स.उपसभापती संजय चिकटे, रायुका जिल्हा अध्यक्ष आशिष पुंड आदी मान्यवर प्रामुख्याने उपस्थित होते. दाभे यांनी आपल्या निवडीचे श्रेय माजी मंत्री रमेशचंद्र बंग यांना दिले असुन निवडी बद्दल दाभे यांच्यावर सर्वत्र अभिनंदनाचा वर्षाव होत आहे.
