वैशाली गायकवाड उपसंपादक (पुणे)
महाराष्ट्र संदेश न्युज ! ऑनलाईन पुणे:- आज कोण कशा प्रकारे नागरिकांची फसवणूक करेल कुणी सांगू शकत नाही. अशीच एक फसवणुकीची खळबळजनक घटना पुणे येथून समोर येत आहे. अमेरिका येथील अंतराळ संशोधन संस्था नासा, इस्रोच्या नावाने शेकडो नागरिकांची कोट्यावधी रुपयांची फसवून करण्यात आली. ही घटना समोर येतात संपूर्ण पुण्यात एकच खळबळ माजली.
अमेरिकेतील अंतराळ संशोधन संस्था नासा, इस्रो वापरत असलेल्या राईस पुलर यंत्राच्या विक्रीतून भरपूर मालामाल व्हाल, असे सांगत पुण्यातील 250 पेक्षा अधिक नागरिकांना कोट्यावधी रुपयाने गंडा घालण्यात आले आहे. नासा, इस्रो यासारख्या संशोधन संस्थांमध्ये वापरल्या जाणाऱ्या धातूच्या व्यवसायात गुंतवणूक करून मोठा लाभ मिळवण्याचे आमिष नागरिकांना दाखवण्यात आले. मग या टोळीने पुण्यातील 250 हून अधिक लोकांची 6 कोटींची फसवणूक केल्याचा धक्कादायक प्रकार उघडकीस आला आहे. बंडगार्डन पोलीस ठाण्यात सर्व आरोपीं विरोधात भारतीय दंडात्मक कलम 406, 420, 467, 468, 471, 120 (ब) आणि 34 सह महाराष्ट्र ठेवीदारांचे हित रक्षण अधिनियम 3, 4, 5 अन्वये गुन्हा दाखल करण्यात आला आहे.
पोलीस घेत आहे आरोपींच्या शोध.
शेकडो नागरिकांची फसवणूक करणाऱ्या या टोळीमध्ये एकूण चार आरोपींचा समावेश आहे. त्यांनी अजून किती नागरिकांना फसवले आहे यांच्या शोध पोलीस आणि आर्थिक गुन्हे शाखेकडून या सगळ्यांचा शोध सुरू आहे. पोलिसांनी आरोपींच्या शोधासाठी पथकं तयार करण्यात आली आहेत. या प्रकरणी राम गायकवाड, रामचंद्र वाघमारे, संतोष सकपाळ, राहुल जाधव या चौघांविरोधात पोलिसांनी गुन्हा दाखल केला आहे.
पंचातारांकित हॉटेलमध्ये गुंतवणुकदारांची बैठक बोलावली
पोलिसांनी दिलेल्या माहितीनुसार, पुणे स्टेशन परिसरातील एका पंचतारांकित हॉटेलमध्ये या चारही आरोपींनी गुंतवणूकदारांसाठी एक बैठक बोलावली होती. त्यात एका मार्गदर्शन कार्यक्रमाचे आयोजन देखील केले होते.
1 लाखाच्या गुंतवणुकीवर 1 कोटीचे आमिष.
अमेरिकेतील अंतरीक्ष संशोधन संस्था ‘नासा’ मधील लोकं भारतात येणार आहेत. यावेळी शास्त्रज्ञ राईस पूलर या यंत्रावर संशोधन होणार आहे. तसेच राईस पूलर या धातुच्या भांड्याला मागणी संपूर्ण जगात आहे. आरोपींनी गुंतवणूकदारांना 1 लाख गुंतवले तर 1 कोटी मिळतील, अशी बतावणी केली होती.
250 हून अधिक लोकांची 6 कोटींची फसवणूक
इतकंच काय तर या आरोपींनी बनावट कागदपत्रे तयार करून नागरिकांकडून पैसे जमा केले. पुण्यातील 250 हून अधिक लोकांची जवळपास 6 कोटी रुपयाची फसवणूक झाली असल्याची माहिती आर्थिक गुन्हे शाखेचे पोलीस उपायुक्त श्रीनिवास घाडगे यांनी दिली.
