योगेश दोडके पुणे शहर प्रतिनिधी
गुन्हे शाखा युनिट ४, पुणे शहर
पुणे :- शहरामध्ये गाड्यांची तोडफोड करून समाजात दहशत करणा-या आरोपींना प्रतिबंध करणे तसेच सदर प्रकार घडताच अशा आरोपतांवर कठोर कारवाई करण्या बाबत मा. वरिष्ठ अधिका-यांनी वेळोवेळी आदेश दिले आहेत.
दि.०१/०२/२०२३ रोजी रात्री ०२/०० वाजताचे सुमारास लक्ष्मीनगर, येरवडा येथील भगवा झेंडा चौक ते सेवक चौक दरम्यान रोडवर पार्किंग केलेल्या १० ते १२ वाहनांची काही युवकांनी समाजात दहशत निर्माण करण्याचे उद्देशाने तोडफोड केली होती. सदर माहिती प्राप्त होताच गुन्हे शाखा युनिट ४ चे प्रभारी अधिकारी श्री गणेश माने यांनी पोलीस अधिकारी व अंमलदार यांचे पथक तयार करून लक्ष्मीनगर, येरवडा परिसरात रोडवर पार्कींग केलेल्या वाहनांची तोडफोड करणा-या आरोपीतांना ताब्यात घेवुन त्यांच्यावर कायदेशीर कारवाई करण्याबाबत आदेशीत केले.
त्या अनुशंगाने गुन्हे शाखा युनिट-४. पुणे शहरकडील नेमलेल्या पथकाने तात्काळ घटनास्थळी पोलीस अंमलदार, नागेशसिंग कुंवर यांना प्राप्त बातमीवरून सदर गुन्ह्यातील आरोपी नामे १) मोईन कालु शेख २) करण ऊर्फ चिक्या प्रकाश अडागळे, दोघे रा. लक्ष्मीनगर, येरवडा, पुणे या अभिलेखावरील आरोपीतांना पर्णकुटी चौकी परिसर नदी पात्रातून ताब्यात घेतले ताब्यात घेण्यात आलेल्या आरोपीतांना पोलीस ठाणे येरवडा गुन्हा रजि. क्र. ९४ / २०२३ भादवी कलम १४३, १४८, १४९, ४२७ महाराष्ट्र पोलीस अधिनियम ३७( १ ) सह १३५ या दाखल गुन्ह्याचे तपासकामी पोलीस ठाणे येरवडा यांच्या ताब्यात देण्यात आले आहे.
सदरची उल्लेखनिय कामगिरी मा. पोलीस आयुक्त, श्री. रितेश कुमार, मा. पोलीस सह आयुक्त, श्री. संदीप कर्णौक, मा. अपर पोलीस आयुक्त गुन्हे श्री. रामनाथ पोकळे, मा. पोलीस उप आयुक्त श्री अगोल झेंडे, मा. सहायक पोलीस आयुक्त श्री. नारायण शिरगावकर, पोलीस निरीक्षक गणेश माने, सहा. पोलीस निरीक्षक, विकास जाधव, पोलीस उप निरीक्षक, जयदीप पाटील, पोलीस अंमलदार, नागेशसिंग कुंवर, हरिष मोरे, रमेश राठोड, मनोज सांगळे यांनी केली आहे…
