२.५० लाख रुपये किंमतीचे हरवलेले १५ मोबईल फोन विविध राज्यातून हस्तगत करुन तक्रादारदार यांना परत करण्यात शिवाजीनगर पोलीस ठाण्याचे सायबर पथकास यश

पंकेश जाधव पुणे ब्यूरो चीफ (7020794626)

शिवाजीनगर पोलीस स्टेशन पुणे शहर

महाराष्ट्र संदेश न्युज ! ऑनलाईन पुणे :- मा. रितेश कुमार, पोलीस आयुक्त, पुणे शहर व मा. संदीप कर्णिक सह पोलीस आयुक्त यांचे संकल्पनेतुन पुणेकरांच्या सायबर तक्रारी संदर्भात योग्य ती दखल घेण्याकरीता प्रत्येक पोलीस ठाणेस सायबर कक्ष स्थापन करण्यात आला आहे.

शिवाजीनगर पोलीस ठाण्याच्या सायबर कक्षाचे सपोनि बाजीराव नाईक, पोलीस शिपाई आदेश चलवादी, मपोशि रुचिका जमदाडे यांनी शिवाजीनगर पोलीस ठाणे हद्दीत हरवलेल्या मोबइलचा डेटा तयार करून, त्याबाबत तांत्रिक तपास करुन / त्याचा वारंवार पाठपुरावा करुन हरवलेले मोबाईल फोन हे केरळ, कर्नाटक, आंध्रप्रदेश व महाराष्ट्रातील विविध ठिकाणी वापरत असल्याचे निदर्शनास आले. सदरचे मोबाईल फोन वापरकर्त्याशी तसेच संबंधीत पोलीस ठाणेस कन्नड, तेलगु, हिंदी व मराठी अशा विविध भाषामध्ये संवाद साधून हरवलेले एकुण २.५० लाख रु. कि.चे १५ मोबाईल फोन हस्तगत करण्यात यश मिळाले आहे. हस्तगत करण्यात आलेले मोबाईल फोन संबंधीत तक्रारदार यांना परत मिळाल्याने त्यांनी आनंद व्यक्त करुन पोलीसांचे आभार व्यक्त केले आहेत.

मोबाईल हरवल्याची तक्रार तात्काळ ऑनलाईन पुणे पोलीसांचे वेबसाईटला तसेच शासनाचे Central Equipment Identity Register ( CEIR ) या पोर्टलवर नोंद करावी असे आवाहन पुणे पोलीसांमार्फत करण्यात येत आहे.

सदरची कामगिरी मा. राजेंद्र डहाळे, अपर पोलीस आयुक्त पश्चिम प्रादेशिक विभाग, सन्दीपसिंह गिल, पोलीस उप-आयुक्त परिमंडळ १ व मा. नारायण शिरगावकर सहा पोलीस आयुक्त विश्रामबाग विभाग यांचे मार्गदर्शनाखाली शिवाजीनगर पोलीस ठाण्याचे वपोनि श्री. अरविंद माने, पोनि (गुन्हे) श्री. विक्रम गौड़, सपोनि बाजीराव नाईक, सपोनि भोलेनाथ अहीवळे, पो.ह. अविनाश भिवरे, बशीर सय्यद, रुपेश वाघमारे, रणजित फडतरे, गणपत चालकोळी, पोशि आदेश चलवादी, तुकाराम म्हस्के, मपोशि रुचिका जमदाडे यांनी केली आहे.