✒️ आशिष अंबादे, वर्धा जिल्हा प्रतिनिधी
मो. न 8888630841
महाराष्ट्र संदेश न्युज ! ऑनलाईन वर्धा, दि. 9:- जिल्हा कौशल्य विकास रोजगार व उद्योजकता मार्गदर्शन केंद्र आणि शासकीय औद्योगिक प्रशिक्षण संस्था आर्वी, वर्धा, कारंजा व समुद्रपूरच्या वतीने दि.14 फेब्रुवारी ते 28 मार्च या कालावधित तालुका स्तरावर पंडित दिनदयाल उपाध्याय रोजगार मेळाव्याचे आयोजन करण्यात आले आहे. या मेळाव्याचा लाभ घेण्याचे आवाहन करण्यात आले आहे.
शासकीय औद्योगिक प्रशिक्षण संस्था आर्वी येथे दि.14 फेब्रुवारी व 23 मार्च, शासकीय औद्योगिक प्रशिक्षण संस्था वर्धा येथे दि 20 फेब्रुवारी व 28 मार्च रोजी, शासकीय औद्योगिक प्रशिक्षण संस्था कारंजा येथे दि. 27 फेब्रुवारी व 10 मार्च रोजी व शासकीय औद्योगिक प्रशिक्षण संस्था समुद्रपूर येथे दि.17 मार्च रोजी रोजगार मेळाव्याचे आयोजन करण्यात आले आहे.
रोजगार मेळाव्यात जिल्ह्यातील दहावी, बारावी, आयटीआयचे सर्व ट्रेड, पदवीधारक उमेदवारांना औद्योगिक व सेवा क्षेत्रामधील कंपन्यामध्ये नोकरीची संधी उपलब्ध होणार आहे. रोजगार मेळाव्यामध्ये विविध नामांकित कंपन्या सहभागी होणार आहे.
नोकरी इच्छुक उमेदवारांनी आपले सेवायोजन कार्डवरील नोंदणी क्रमांक व पासवर्डचा वापर करुन लॉग इन करावे. पंडित दिनदयाल उपाध्याय रोजगार मेळावा हा पर्याय निवडून जिल्हा वर्धा निवडावा व आपल्या शैक्षणिक पात्रतेनुसार कंपनीची निवड करुन अप्लाय करावे. शासकीय औद्योगिक प्रशिक्षण संस्था आर्वी, वर्धा, कारंजा व समुद्रपूर येथे होणा-या रोजगार मेळाव्यात सकाळी 10 ते 4 वाजताच्या दरम्यान आपले पासपोर्ट आणि सर्व शैक्षणिक कागदपत्राच्या सांक्षाकित प्रत घेऊन उपस्थित राहावे, असे जिल्हा कौशल्य विकास रोजगार व उद्योजकता मार्गदर्शन केंद्राने कळविले आहे.
