पंकेश जाधव पुणे ब्यूरो चीफ 7020794626
खंडणी विरोधी पथक २ गुन्हे शाखा, पुणे शहर
महाराष्ट्र संदेश न्यूज ! ऑनलाईन पुणे :- अर्जदार यांनी विनापरवाना सावकारी व्यवसाय करणारा सावकर नामे आनंद परशुराम धोत्रे वय ३५ वर्षे रा.मराठी शाळेजवळ न्यू कोपरे पुणे याचेकडून दि. २७/१२/२०१९ रोजी महारुद्र जीम, शिवणे पुणे येथे एकुण ८ लाख रुपये दरमहा १० टक्के व्याजदराने घेतले होते. त्याचे मोबदल्यात आनंद धोत्रे याने अर्जदार यांचे श्रेया रेसीडेन्सी, धायरी पुणे येथील फ्लॅट क्र. २२४ मा २ फ्लॅटची नोटराईज विसारपावती करून घेवून तसेच अर्जदार यांनी आज पावेतो ऑनलाईन ५,७५,०००/- रुपये व ९,०३,०००/- रुपये रोख स्वरुपात असे एकुण १४,७०,०००/- रुपये व्याज व मुद्दल आनंद धोत्रे यास परत दिलेले आहेत. तरी देखील आनंद धोत्रे हा अर्जदार यांना वारंवार फोन करून आणखीन ८ लाख रुपये मुद्दल व ३ लाख रुपये व्याज असे एकुण ११ लाख रुपयांची मागणी करत असुन ते न दिल्यास अर्जदारास जीवे मारण्याची धमकी देत असल्यामुळे अर्जदार यांनी तक्रारी अर्ज दिला होता.
सदर अर्जाचे चौकशी अंती व अर्जदार यांनी सादर केलेल्या पुराव्या नुसार अर्जदार यांनी फिर्याद दिल्याने अवैध सावकर आनंद परशुराम धोत्रे वय ३५ वर्षे रा.मराठी शाळेजवळ न्यू कोपरे पुणे याचेविरुद्ध दि. ०९/०२/२०२३ रोजी उत्तमनगर पोलीस स्टेशन गुन्हा रजि. नं. १८ / २०२३ भा. दं. वि. कलम ३८६.३८७, महाराष्ट्र सावकारी अधिनियम कलम ३९.४५ अन्वये अवैध सावकारी करून खंडणीची मागणी करीत असले बाबतचा गुन्हा खंडणी विरोधी पथक २ गुन्हे शाखा पुणे शहर यांनी दाखल करून आरोपीस अटक करण्यात आलेली आहे.
सदरची कामगिरी ही मा. पोलीस आयुक्त श्री. रितेश कुमार, मा. सह पोलीस आयुक्त, श्री. संदिप कर्णिक, मा. अपर पोलीस आयुक्त (गुन्हे) श्री रामनाथ पोकळे, मा. पोलीस उप आयुक्त (गुन्हे) श्री. अमोल झेंडे. सहा. पोलीस आयुक्त, गुन्हे-२ श्री. नारायण शिरगावकर यांचे मार्गदर्शानाखाली खंडणी विरोधी पथक -२. गुन्हे शाखा, पोलीस निरीक्षक श्री प्रताप मानकर, पोलीस उपनिरीक्षक श्रीकांत चव्हाण, मोहनदास जाधव व पोलीस अंमलदार विजय गुरव, प्रदिप शितोळे, शैलेश सुर्वे, विनोद साळुंके, संग्राम शिनगारे, ईश्वर आंधळे, अनिल मॅगडे, राहुल उत्तरकर, सैदोबा भोजराव, सचिन अहिवळे, अमोल पिलाने, चेतन आपटे, पवन भोसले, किशोर बर्गे, चेतन शिरोळकर, प्रदिप गाडे, आशा कोळेकर यांनी केलेली आहे.
